ສຳນັກຂ່າວຕ່າງປະເທດ ລາຍງານໃນວັນທີ 27 ກໍລະກົດນີ້ວ່າ ກອງປະຊຸມໃຫຍ່ພັກເດໂມແຄຣດ ສະຫະລັດອາເມຣິກາ ໄດ້ລົງຄະແນນສຽງສ່ວນຫລາຍ ໃນວັນທີ 26 ກໍລະກົດຜ່ານມາ ເລືອກເອົາທ່ານ ນາງ ຮີນລາຣີ ຄລີນຕັນ ອະດີດສະຕີໝາຍເລກ 1 ແລະ ອະດີດລັດຖະມົນຕີການຕ່າງປະເທດ ແຫ່ງ ສະຫະລັດອາເມຣິກາ ເປັນຕົວແທນຂອງພັກ ເພື່ອລົງສະໝັກຊິງຕຳແໜ່ງ ປະທານາທິບໍດີສະຫະລັດອາເມຣິກາ ຢ່າງເປັນທາງການ ເຮັດໃຫ້ທ່ານກາຍເປັນຜູ້ຍິງຄົນທຳອິດໃນປະຫວັດສາດ ທີ່ສາມາດຍາດໄດ້ໄຊຊະນະ ຈາກການຊິງເປັນຕົວແທນຂອງພັກດັ່ງກ່າວ.

ທັງນີ້ ທ່ານ ນາງ ຄລີນຕັນ ຈະເປັນຕົວແທນໃຫ້ພັກເດໂມແຄຣດ ເພື່ອລົງສະໝັກຊິງຕຳແໜ່ງ ປະທານາທິບໍດີ ສະຫະລັດອາເມຣິກາ ແຂ່ງກັບ ທ່ານ ໂດນັນ ທຣັບ ຕົວແທນຈາກພັກຣີພັບບລິກັນ ໃນວັນທີ 8 ພະຈິກ 2016 ນີ້.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!