ເມື່ອເວລາຖືພາແມ່ມືໃໝ່ທຸກຄົນກໍ່ຕ້ອງຢາກຮູ້ກ່ຽວກັບພັດທະນາການຂອງລູກນ້ອຍໃນທ້ອງວ່າເປັນແນວໃດ ວັນນີ້ລາວໂພສຕ໌ກໍ່ມີເລື່ອງລາວ ແລະ ພັດທະນາການຂອງລູກນ້ອຍໃນທ້ອງຕັ້ງແຕ່ 7-15 ອາທິດ ຈາກວາລະສານບັນທຶກຂອງແມ່ ມາຝາກກັນ ເຊິ່ງຈະມີແນວໃດນັ້ນເຮົາມາອ່ານກັນເລີຍ

ໃນແຕ່ລະມື້ກັບອາຍຸຄັນຂອງລູກ
ອາຍຸຄັນ 7-8 ອາທິດ ລູກນ້ອຍຈະເລີ່ມໝູນຕົວໄປມາເຊັ່ນ: ຫົດຕົວໄປດ້ານຂ້າງ ແລະ ມີອາການຕົກໃຈ ເຊິ່ງເປັນປະຕິກິລິຍາຕາມທຳມະຊາດບໍ່ໄດ້ເປັນຍ້ອນວ່າລູກເກີດຄວາມຢ້ານກົວໃດໆທັງນັ້ນ

ອາຍຸຄັນປະມານ 9 ອາທິດ ລູກນ້ອຍຈະເລີ່ມສອຶກ ແລະ ເລີ່ມເໜັງແຂນຂານ້ອຍໆ ລວມທັງຍັງເລີ່ມທີ່ຈະດູດນິ້ວມື ແລະ ເຝິກຫັດການກືນອີກດ້ວຍ

ອາຍຸຄັນປະມານ 10 ອາທິດ ລູກນ້ອຍຈະສາມາດເໜັງຕີງຫົວ, ຍົກມືຂື້ນມາສຳພັດໜ້າຕົວເອງ, ອ້າປາກ ລວມທັງຍັງສາມາດຢືດລຳຕົວໄດ້ອີກດ້ວຍ

ອາຍຸຄັນປະມານ 12 ອາທິດ ໃນຊ່ວງໄລຍະນີ້ລູກນ້ອຍບໍ່ພຽງແຕ່ຢືດລຳຕົວ, ປິດຄີງໄດ້ເທົ່ານັ້ນນັ້ນ ແຕ່ຍັງສາມາດຫາວໄປພ້ອມອີກດ້ວຍ

ອາຍຸຄັນປະມານ 14 ອາທິດ ລູກນ້ອຍສາມາດເໜັງແກ່ນຕາໄດ້ແລ້ວ

ອາຍຸຄັນປະມານ 15 ອາທິດ ລູກນ້ອຍສາມາດເລືອກນິ້ວມືຂ້າງທີ່ພໍໃຈມາດູດໄດ້ ແລະ ຫາກບໍ່ແມ່ບັງເອີນເຫັນລູກນ້ອຍກຳລັງດູດນິ້ວມືໃນເວລາເຮັດອັລຕຣ້າຊາວພໍດີ ທ່ານກໍ່ອາດຈະເດົາໄດ້ວ່າລູກນ້ອຍຂອງທ່ານເປັນຄົນແຮງມືເບື້ອງຊ້າຍ ຫຼື ເບື້ອງຂວາ

ຫຼັງຈາກ 15 ອາທິດເປັນຕົ້ນໄປ ການເຄື່ອນໄຫວຂອງລູກນ້ອຍຈະແຮງຂຶ້ນຈົນແມ່ສາມາດສຳພັດໄດ້ ໃນຊ່ວງໄລຍະທຳອິດອາດຈະຮູ້ສຶກເໝືອນມີປານ້ອຍຕອດຢູ່ໃນທ້ອງ ພໍເຂົ້າສູ່ຊ່ວງໄລຍະທີ່ສອງທ່ານຈະຮູ້ສຶກເຖິງການເຄື່ອນໄຫວຮ່າງກາຍຂອງລູກແບບກຳລັງ ເຕະ, ພິກຕົວ ຫຼື ການສະອຶກ ແລະ ຖ້າອາຍຸຄັນຫຼາຍຂຶ້ນເທົ່າໃດ ລູກນ້ອຍກໍ່ຈະໃຊ້ເວລາໃນການນອນພັກຜ່ອນຫຼາຍຂຶ້ນ ປະມານຄັ້ງລະ 20 ນາທີ ຫຼື ລູກນ້ອຍບາງຄົນອາດຈະນອນເຖິງຄັ້ງລະ 50-75 ນາທີ