ເວລາປະມານ 23:30 ໂມງຂອງວັນທີ 30 ມິຖຸນາ 2014 ທີ່ຜ່ານມາ ເຈົ້າໜ້າທີ່ພະແນກຕຳຫຼວດຈະລາຈອນ
ນະຄອນຫຼວງວຽງຈັນ ໄດ້ຮັບແຈ້ງມີອຸບັດຕິເຫດເກີດຂຶ້ນຢູ່ຖະໜົນສີທອງ ລົດກະບະຮຸນໄດ ເສຍຫຼັກຕຳເອົາ
ກຳແພງຂອງບ້ານປະຊາຊົນ ເຂດບ້ານດົງນາໂຊກໃຕ້ ເມືອງສີໂຄດຕະບອງ ນະຄອນຫຼວງວຽງຈັນ.
ຈາກການລົງກວດສອບສະຖານທີ່ເກີດເຫດຂອງເຈົ້າໜ້າທີ່ຕຳຫຼວດຈະລາຈອນ ແລະ ໜ່ວຍງານກູ້ໄພ
ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ພົບເຫັນຊາຍໜຶ່ງຄົນນອນຢູ່ດ້ານໜ້າຂອງລົດ ໃນສະພາບ
ໝົດສະຕິ ຈາກແຮງກະແທກກຳແພງ ທາງເຈົ້າໜ້າທີ່ກູ້ໄພຈຶ່ງໃຊ້ຈັກຕັດເຫຼັກ ເພື່ອນຳເອົາຕົວຜູ້ບາດເຈັບ
ອອກຈາກລົດ ສຳລັບລົດທີ່ເກີດເຫດແມ່ນ ລົດກະບະຮຸນໄດ ສີປອນເງິນ ໝາຍເລກທະບຽນ ກຄ 3226
ກຳແພງນະຄອນ ຂັບໂດຍທ້າວ ແກ້ວ ອາຍຸ 17 ປີ ອາຊີບກຳມະກອນ ພັກເຊົາຢູ່ບ້ານໂພນສະຫວາດເໜືອ
ເມືອງສີໂຄດຕະບອງ ນະຄອນຫຼວງວຽງຈັນ ເຊິ່ງຜູ້ເຫັນເຫດການໄດ້ກ່າວວ່າ: ລົດຄັນດັ່ງກ່າວແມ່ນແລ່ນມາ
ແຕ່ສີ່ແຍກໄຟແດງໜອງດ້ວງ ມຸ້ງໜ້າໄປໄຟແດງດົງນາໂຊກ ດ້ວຍຄວາມໄວສູງ ພໍມາຮອດຈຸດທີ່ເກີດເຫດ
ບໍລິເວນເຂດບ້ານດົງນາໂຊກໃຕ້ ລົດເກີດເສຍຫຼັກແລ່ນຕຳເອົາກຳແພງຂອງບ້ານປະຊາຊົນ ໂດຍສະພາບ
ຂອງລົດແມ່ນໃຊ້ການບໍ່ໄດ້ເລີຍ ຕໍ່ກັບເຫດການນີ້ ເຮັດໃຫ້ທ້າວ ແກ້ວ ເສຍຊີວິດໃນເວລາຕໍ່ມາ.
ທີ່ມາ: http://www.vientianemai.net/teen/khao/1/12127