HomeມູມໄອທີລາວF-Wheel ເປີດໂຕ iCarbot ໂຮເວີບອຣ໌ດໄຟຟ້າ

F-Wheel ເປີດໂຕ iCarbot ໂຮເວີບອຣ໌ດໄຟຟ້າ

Published on

F-Wheel ແມ່ນບໍລິສັດຜະລິດໂຮເວີບອຣ໌ດລາຍໃຫຍ່ໃນປະເທດຈີນ ໂດຍສິນຄ້າຂອງບໍລິສັດຍັງເປັນອັນດັບ 3 ຂອງປະເທດນຳ. ຫຼ້າສຸດນີ້ບໍລິສັດ ​F-Wheel ໄດ້ເປີດໂຕໂຮເວີບອຣ໌ດລຸ້ນໃໝ່ຫຼ້າສຸດຂອງບໍລິສັດນາມວ່າ iCarbot. ໂດຍ iCarbot ນີ້ແມ່ນມີຂະໜາດເຄື່ອງຢູ່ທີ່ 383.5 x 310.5 x 106.3 ມມ, ໂຕບອຣ໌ດຖືວ່າມີຄວາມທັນສະໄໝ, ທົນທານ ແລະມີນ້ຳໜັກເບົາພຽງ 3.4 ກິໂລກຣາມ. ເຊິ່ງບອຣ໌ດໂຕນີ້ສາມາດຮອງຮັບນ້ຳໜັກຄົນໄດ້ 120 ກິໂລກຣາມ, ຮອງຮັບຂະໜາດຝາຕີນ ດ້ວຍຄວາມຍາວ 32 ຊັງຕີແມັດ ແລະຄວາມກວ້າງ 39 ຊັງຕີແມັດ.

ໃນດ້ານການອອກແບບຂອງໂຕບອຣ໌ດນີ້ແມ່ນມາພ້ອມກັບ 4 ຕີນ, ໂດຍ 2 ຕີນໜ້າຈະເຮັດໜ້າທີ່ເປັນໂຕຂັບເຄື່ອນ ແລະ 2 ຕີນຫຼັງເຮັດໜ້າທີ່ເປັນໂຕຄ້ຳຈູນເພື່ອຄວາມສະດວກສະບາຍ ແລະຄວາມໝັ້ນຄົງຂອງບອຣ໌ດ. ການອອກແບບແມ່ນຮ່ວມກັນເຮັດດກັບກຸ່ມຄົນເຢຍລະມັນ ເຊິ່ງໝັ້ນໃຈໄດ້ເລີຍວ່າໂຕບອຣ໌ດຈະມີຄຸນະພາບໃນລະດັບສູງ ແລະເປັນທີ່ເພິ່ງພໍໃຈໃຫ້ກັບຜູ້ຊື້ຢ່າງແນ່ນອນ.

ວີດີໂອຕົວຢ່າງການໃຊ້ງານຂອງ iCarbot ສາມາດເບິ່ງໄດ້ທີ່ດ້ານລຸ່ມນີ້:

ນອກນີ້ iCarbot ຍັງມາພ້ອມກັບແອັບພລິເຄຊັ່ນທີ່ໃຊ້ສຳລັບຄວບຄຸມໂຕບອຣ໌ດ ແລະເບິ່ງສະຖານະແບັດເຕີຣີໄດ້ອີກນຳ ເຊິ່ງຮອງຮັບທັງລະບົບ Android ແລະ iOS. ແບັດເຕີຣີໃຫ້ມາເປັນ Lithium Ion(Li-Ion) ບໍ່ລະບຸຂະໜາດຄວາມຈຸ, ຮອງຮັບລະບົບສາກໄວ ແລະສາມາດສາກໃຫ້ເຕັມໄດ້ໃນເວລາ 2 ຊົ່ວໂມງ. ໃນເລື່ອງຂອງໄລຍະທາງທີ່ບອຣ໌ດສາມາດເຄື່ອນທີ່ໄປໄດ້ສູງສຸດຕໍ່ການສາກເທື່ອໜຶ່ງແມ່ນປະມານ 15 – 20 ກິໂລແມັດ ດ້ວຍຄວາມໄວ 12 ກິໂລແມັດ ຕໍ່ຊົ່ວໂມງ.

ສຳລັບ iCarbot ຈະມາພ້ອມກັບ 2 ສີໄດ້ແກ່: ສີຂາວ ແລະສີດຳ. ເຊິ່ງສີດຳແມ່ນຈະໄດ້ຕີນລໍ້ສີແດງ ແລະສີຂາວຈະເປັນຕີນລໍ້ສີດຳ. ສຳລັບຕອນນີ້ແມ່ນເປີດໃຫ້ສັ່ງຈອງກັນແລ້ວທີ່ເວັບໄຊໃນລາຄາ $461 (3.735.000 ກີບ)

ທີ່ມາ:gizmochina

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...