Honor Note 8 ຫຼືກ່ອນໜ້ານີ້ທີ່ເຮົາຄຶດກັນວ່າລຸ້ນນີ້ແມ່ນລຸ້ນ Honor 8 Max ກ່ອນທີ່ຈະຮູ້ວ່າເປັນ Honor Note 8 ກໍເພາະໄຟລ໌ພາບເຄື່ອນໄຫວ GIF ທີ່ທາງບໍລິສັດປ່ອຍອອກມາ. ໃນມື້ນີ້ເອງບໍລິສັດກໍປ່ອຍຮູບບັດເຊີນຮ່ວມງານເປີດໂຕໂທລະສັບລຸ້ນດັ່ງກ່າວອອກມາແລ້ວ ໂດຍຈະເປີດໂຕຢ່າງເປັນທາງການໃນວັນທີ 1 ສິງຫາ ທີ່ຈະມາຮອດນີ້.
ສ່ວນທາງດ້ານສະເປັກຂອງ Honor Note 8 ທີ່ຮູ້ກັນໃນຕອນນີ້ກໍຄື: ໜ້າຈໍຂະໜາດ 6.6 ນິ້ວ, ຄວາມລະອຽດ 2K (ຕາມຮູບດ້ານເທິງ) ພ້ອມກັບຊິບປະມວນຜົນ Kirin 950 ແລະຍັງມີອີກລຸ້ນໜຶ່ງທີ່ໃຊ້ຊິບ Kirin 955 ນຳ. ໜ່ວຍຄວາມຈຳຈະມີ 2 ລຸ້ນຄື: RAM 3GB, ROM 32GB ແລະ RAM 4GB, ROM 64GB. ທາງດ້ານຫຼັງໂຕເຄື່ອງຈະມີເຊັນເຊີ້ສະແກນນິ້ວມືຕິດຕັ້ງຢູ່ນຳ.
ນອກຈາກນີ້ Honor Note 8 ຍັງຕິດຕັ້ງກ້ອງຫຼັງຄວາມລະອຽດ 13 ລ້ານພິກເຊວ ພ້ອມແຟລັດ LED ແລະກ້ອງໜ້າ 8 ລ້ານພິກເຊວ. ໂດຍຍັງມາພ້ອມກັບພອຣ໌ດ USB Type-C ແລະແບັດເຕີຣີຂະໜາດ 4400mAh ຮອງຮັບລະບົບສາກໄວອີກນຳ.
ທີ່ມາ:gizmochina