ວັນທີ 18 ກໍລະກົດ ຜ່ານມາໄດ້ມີພິທີປະກາດແຕ່ງຕັ້ງສະຫາຍ ບຸນຈັນ ໄຊປັນຍາ ຫົວໜ້າພະແນກກະສິກຳ ແລະປ່າໄມ້ ແຂວງຄຳມ່ວນເປັນເລຂາຄະນະພັກຮາກຖານພະແນກກະສິກຳ ແລະປ່າໄມ້ແຂວງ ໂດຍເປັນກຽດເຂົ້າຮ່ວມລັງສີ ຄະນະປະຈຳພັກແຂວງຫົວໜ້າຄະ ນະຈັດຕັ້ງແຂວງ, ມີຄະນະພະແນກກະສິກຳ ແລະປ່າໄມ້ແຂວງ ແລະພາກສ່ວນ ກ່ຽວຂ້ອງເຂົ້າຮ່ວມ .
ສະຫາຍ ບຸນຈັນ ໄຊປັນຍາ ກໍໄດ້ລາຍງານສະພາບການຈັດຕັ້ງປະຕິບັດວຽກງານທີ່ພົ້ນເດັ່ນໃນຂົງເຂດກະສິກຳ ແລະປ່າໄມ້ໂດຍສັງເຂບໃຫ້ຄະນະພັກຂັ້ນເທິງ ໄດ້ຮັບຮູ້ຫຼັງຈາກນັ້ນສະຫາຍ ນິກອນ ພົມວົງສາ ຫົວໜ້າຂະແໜງກໍ່ສ້າງພັກກໍ ໄດ້ຜ່ານມະຕິຕົກລົງຂອງຄະນະປະຈຳ ພັກແຂວງ ສະບັບເລກທີ 260/ຄປຈ.ຄມ ລົງວັນທີ 28 ມິຖຸນາ 2016 ວ່າດ້ວຍ ການບົ່ງຕົວແຕ່ງຕັ້ງສະຫາຍ ບຸນຈັນ ໄຊ ບັນຍາ ເປັນເລຂາຄະນະພັກຮາກຖານພະແນກກະສິກຳ ແລະປ່າໄມ້ແຂວງຄົນໃໝ່ ຈາກນັ້ນສະຫາຍ ພົມມາ ພັນທະລັງສີ ກໍໄດ້ມີຄຳເຫັນໂອ້ລົມຕໍ່ພິທີຊຶ່ງສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະນະພະແນກຕະຫຼອດເຖິງພະນັກງານທົ່ວພະແນກທີ່ສາມາດຍາດໄດ້ ຜົນງານໃນຫຼາຍດ້ານພ້ອມນັ້ນທ່ານກໍໄດ້ເນັ້ນໃຫ້ຄະນະນຳຂອງພະແນກ ຈົ່ງໄດ້ສືບຕໍ່ເອົາໃຈໃສ່ສຶກສາອົບຮົມການ ເມືອງແນວຄິດໃຫ້ອ້າຍນ້ອງພະນັກງານຢ່າງເປັນປົກກະຕິໂດຍສະເພາະແມ່ນ ການປະຕິບັດ 5 ຫຼັກການ 3 ທິດນຳຂອງ ພັກເຮົາວາງອອກ. ຖືເອົາຄວາມສາມັກ ຄີພາຍໃນເປັນບັນຫາກົກຕິດພັນກັບວຽກງານວິຊາສະເພາະ, ຍົກສູງຄວາມຮັບຜິດ ຊອບ ແລະເພີ່ມລະດັບຄວາມຮູ້-ຄວາມ ສາມາດໃຫ້ສົມຄູ່ກັບໜ້າທີ່ວຽກງານ .
ທີ່ມາ: ເສດຖະກິດ-ສັງຄົມ