Oppo F1 ແມ່ນເປີດໂຕຄັ້ງທຳອິດໃນຊ່ວງຕົ້ນປີນີ້ ຫຼືເດືອນມັງກອນ ເຊິ່ງຖືວ່າເປັນໂທລະສັບລຸ້ນໜຶ່ງທີ່ປະສົບຜົນສຳເລັດຢ່າງສູງເລີຍ ໃນແຖບເອເຊຍ ແລະຫຼ້າສຸດນີ້ທາງ Oppo ກໍປະກາດອອກມາຢ່າງເປັນທາງການແລ້ວວ່າຈະເປີດໂຕລຸ້ນສືບທອດຂອງໂທລະສັບລຸ້ນດັ່ງກ່າວ ໂດຍຈະໃຊ້ຊື່ວ່າ Oppo F1s ແລະຈະເປີດໂຕໃນຊ່ວງເດືອນໜ້ານີ້.
ສຳລັບຊີຣີ F ແມ່ນເປັນຊີຣີທີ່ທາງ Oppo ນັ້ນເນັ້ນໄປທີ່ໂຕກ້ອງຂອງໂທລະສັບເປັນຫຼັກ ແລະເບິ່ງຄືວ່າ F1s ກໍຈະບໍ່ແຕກຕ່າງຫຍັງຈາກລຸ້ນອ້າຍໃຫຍ່ແບບ F1 ເລີຍ. ໂດຍອີງຈາກຄຳເວົ້າຂອງ Oppo ທີ່ວ່າ: “ມັນຈະໄດ້ຮັບສືບທອດເລື່ອງການຖ່າຍຮູບທີ່ດີທີ່ສຸດຈາກ F1, ການອອກແບບທີ່ບາງ ແລະປະສິດທິພາບການເຮັດວຽກທີ່ໄວ. ໃນຂະນະດຽວກັນກໍມີການເພີ່ມຄຸນສົມບັດໃໝ່ ແລະ ສິ່ງອື່ນໆທີ່ໃໝ່ກວ່າເກົ່າ”.
ຖືວ່າໜ້າສົນໃຈເລີຍສຳລັບລຸ້ນສືບທອດຂອງ F1 ເພາະລຸ້ນອ້າຍໃຫຍ່ກໍສາມາດເຮັດຍອດຂາຍໄດ້ດີ ແລະເປັນທີ່ນິຍົມກັນແພ່ຫຼາຍເລີຍໃນແຖບເອເຊຍ ເຮົາມາຕິດຕາມເບິ່ງນນຳກັນເລີຍວ່າ F1s ຈະອອກມາດີສ່ຳໃດ ^^. ສ່ວນສະເປັກຂອງ F1s ໃນຕອນນີ້ຍັງບໍ່ມີລາຍລະອຽດໃດໆເທື່ອ ແຕ່ກໍຄາດວ່າຈະໃຊ້ງານຊິບປະມວນຜົນ Snapdragon 652 ຫຼື SD 625 ແລະຄຸນສົມບັດສຳຄັນທີ່ຄາດວ່າ F1s ຈະມີນັ້ນກໍຄືເທັກໂນໂລຢີສາກໄວໂຕໃໝ່ຫຼ້າສຸດແບບ Super VOOC.
ທີ່ມາ:gizmochina