ສຳນັກຂ່າວຕ່າງປະເທດ ລາຍງານໃນວັນທີ 15 ກໍລະກົດຜ່ານມານີ້ວ່າ ທ່ານ ຮຸນແຊນ ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ ໄດ້ປະກາດວ່າ ລັດຖະບານຈີນ ຈະໃຫ້ການຊ່ວຍເຫລືອກຳປູເຈຍ ຈຳນວນ 600 ລ້ານໂດລາ ເພື່ອສະໜັບສະໜູນວຽກງານການເລືອກຕັ້ງ, ການພັດທະນາພື້ນຖານໂຄງລ່າງການສຶກສາ ແລະ ສາທາລະນະສຸກ ຂອງປະເທດ ຊຶ່ງເປັນຜົນສຳເລັດຈາກການຫາລືກັບ ທ່ານ ຫລີເຄີ່ສຽງ ນາຍົກລັດຖະມົນຕີ ແຫ່ງ ສາທາລະນະລັດປະຊາຊົນຈີນ ທີ່ນະຄອນຫລວງອູລານບາຕໍ ປະເທດມົງໂກລີ ລະຫວ່າງເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຫລື ອາເຊັມ ຄັ້ງທີ 11.
ທັງນີ້ ຈີນເປັນພັນທະມິດທີ່ສຳຄັນ ແລະ ຫຸ້ນສ່ວນທາງເສດຖະກິດຂອງກຳປູເຈຍ ໂດຍຕະຫລອດໄລຍະ 10 ກວ່າປີຜ່ານມາ ລັດຖະບານຈີນ ໄດ້ໃຫ້ການຊ່ວຍເຫລືອ ແລະ ຈັດຫາການລົງທືນ ມູນຄ່າຫລາຍຮ້ອຍລ້ານໂດລາ ພ້ອມທັງຍັງມອບສະຖານະປອດພາສີ ໃຫ້ແກ່ສິນຄ້າອີກຫລາຍລາຍການ ຂອງກຳປູເຈຍອີກດ້ວຍ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!