ຂປລ. ຕາມການລາຍງານຈາກ ຂະແໜງທ່ອງທ່ຽວແຂວງຄໍາມ່ວນ ໃຫ້ຮູ້ວ່າ: ໃນໄລຍະ 6 ເດືອນຕົ້ນສົກປີ 2015-2016 ນີ້ ມີນັກທ່ອງທ່ຽວເຂົ້າມາທ່ຽວທັງໝົດ 72.956 ຄົນ, ຍິງ 48.056 ຄົນເຊິ່ງສ່ວນໃຫຍ່ ແມ່ນນັກທ່ອງທ່ຽວຈາກອາຊີ ໂດຍສະເພາະນັກທ່ອງທ່ຽວຊາວຈີນ. ເຊິ່ງສາມາດສ້າງລາຍຮັບໃຫ້ແຂວງ ສະເລ່ຍ ປະມານ 148 ຕື້ກວ່າກີບ.
ເພື່ອຮອງຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ຈະເຂົ້າມາທ່ອງທ່ຽວ ຢູ່ແຂວງຄຳມ່ວນນັ້ນ, ພາກສ່ວນກ່ຽວຂ້ອງຂອງແຂວງ ໄດ້ສຸມໃສ່ການພັດທະນາ ການທ່ອງທ່ຽວແບບຍືນຍົງ, ປະຊາຊົນມີສ່ວນຮ່ວມ ໃນການຄຸ້ມຄອງ, ດ້ານລາຍຮັບ ແລະ ເປັນເຈົ້າການ ໃນການອະນຸລັກຮັກສາ, ເສີມຂະຫຍາຍຄວາມ ສວຍສົດງົດງາມ ແລະ ເອກະລັກສະຖານທີ່ທ່ອງທ່ຽວ ທີ່ບົ່ງບອກເຖິງຄວາມອຸດົມສົມບູນ.
ປັດຈຸບັນທົ່ວ ແຂວງຄໍາມ່ວນ ມີແຫລ່ງທ່ອງທ່ຽວ ທັງໝົດ 198 ແຫ່ງ, ໃນນັ້ນແຫລ່ງທ່ອງທ່ຽວ ທາງດ້ານປະຫວັດສາດ 29 ແຫ່ງ, ທາງດ້ານທໍາມະຊາດ 139 ແຫ່ງ ແລະ ທາງດ້ານວັດທະນະທໍາ 30 ແຫ່ງ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!