ອົງການການກຸສົນຂອງ ບິລ ເກດ ກຽມລົງທຶນ 5 ຕື້ໂດລາສະຫະລັດ ເຮັດໂຄງການພັດທະນາທະວີບອາຟຣິກາໃນໄລຍະ 5 ປີຕໍ່ໜ້າ.
ນັກທຸລະກິດຄົນອາເມລິກາຖະແຫຼງຫຼັງງານເນລສັນ ແມນເດລາ ປະຈຳປີ ຄັ້ງທີ່ 14 ໃນວັນທີ 17 ກໍລະ ກົດຢູ່ນະຄອນພຣິທໍຣີ ອາຟຣິກາໃຕ້ວ່າ 2 ໃນ 3 ຂອງເງິນທຶນຈາກມູລະນິທິ“ບິລ ແລະ ເມລິນດາ ເກດສ” ຈະມຸ່ງເນັ້ນໄປທີ່ໂຄງການດ້ານສຸຂະພາບ ຊຶ່ງເປັນສາຂາທີ່ມູລະນິທິຊ່ຽວຊານ ຫຼັງຈາກເຮັດໂຄງການກ່ຽວກັບການແພ່ລະບາດຂອງເຊື້ອເອຊໄອວີ ແລະ ວັນນະໂລກມາແລ້ວຫຼາຍໂຄງການ ໂດຍເວລາສ່ວນໃຫຍ່ທີ່ເຂົ້າມາອາຟຣິກາໃຕ້ໃນຄັ້ງນີ້ ນອກຈາການເຂົ້າຮ່ວມປະຊຸມເອດໂລກແລ້ວ ທ່ານ ເກດ ຈະຕ້ອງພົບກັບພັນທະມິດຮ່ວມວິໄຈເພື່ອສ້າງຄວາມຮູ້ຄວາມເຂົ້າໃຈເຖິງ ວິທີການຈະເຮັດໃຫ້ໂຄງການສຸຂະພາບເຫຼົ່ານີ້ຄືບໜ້າຫຼາຍຂຶ້ນ ໂດຍສະເພາະຢູ່ອາຟຣິກາໃຕ້ທີ່ມຸ່ງເນັ້ນບັນຫາເລື່ອງເອສໄອວີ ແລະ ວັນນະໂລກ.
ທ່ານ ເກດ ເປັນອະດີດຫົວໜ້າຄະນະເຈົ້າໜ້າທີ່ບໍລິຫານບໍລິສັດໄມໂຄຊອຟ ແລະ ເຄີຍໄດ້ຮັບການຈັດອັນດັບໃຫ້ເປັນຜູ້ຮັ່ງມີທີ່ສຸດໃນໂລກ ທີ່ຜ່ານມາມູລະນິທິການກຸສົນຂອງລາວໄດ້ທຸ່ມເງິນລົງທຶນພັດທະນາອາຟຣິກາໄປກວ່າ 9 ຕື້ໂດລາ ແລະ ເຂົາມີກຳນົດເຂົ້າຮ່ວມກອງປະຊຸມເອດໂລກຊຶ່ງຈັດຂຶ້ນເປັນເວລາ 4 ມື້ເລີ່ມຕົ້ນວັນທີ 17 ກໍລະກົດເປັນຕົ້ນໄປ.