spot_img
Homeຂ່າວເຫດການປະດັບຫລຽນໄຊພິລະອາດຫານ ໃຫ້ກົມກອງລວມໝູ່ ແລະ ການນໍາແຂວງບໍລິຄໍາໄຊ

ປະດັບຫລຽນໄຊພິລະອາດຫານ ໃຫ້ກົມກອງລວມໝູ່ ແລະ ການນໍາແຂວງບໍລິຄໍາໄຊ

Published on

ຂປລ. ​ໃນ​ວັນ​ທີ 13 ກໍລະກົດ 2016 ນີ້, ຢູ່​ທີ່​ສະ​​ໂມ​ສອນ​ແຂ​ວງບໍລິ​ຄໍາ​ໄຊ​ ໄດ້​ຈັດ​ພິທີ​ປະດັບ​ ຫລຽນ​ໄຊ​ພິລະ​ອາດ​ຫານ ຂອງ​ກະຊວງ​ປ້ອງ​ກັນ​ປະ​ເທດ ​ໃຫ້​ການ​ນໍາ ​ແລະ ກົມ​ກອງ​ລວມໜູ່ຂອງ ​ແຂວງ​ບໍລິ​ຄໍາ​ໄຊ ​ທີ່​ມີ​ຜົນ​ງານ​ດີ​ເດັ່ນ ​ໃນການ​ປະກອບສ່ວນ ດ້ານ​ພາຫະນະ ​ແລະ ທຶນຮອນ​ ເຂົ້າ​ໃນ​ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ​ ຂອງແຂວງ ​​ໃຫ້​ກຽດ​ປະດັບ​ໂດຍ​ ສະຫາຍ ພົນ​ໂທ ຈັນ​ສະໝອນ ຈັນຍາ​ລາດ ກໍາມະການກົມ​ການ​ເມືອງ​ສູນ​ກາງ​ພັກ, ລັດຖະມົນຕີ​ກະຊວງ​ປ້ອງ​ກັນ​ປະ​ເທດ, ມີ​ສະຫາຍ ກອງ​ແກ້ວ​ ​ໄຊ​ສົງຄາມ ກໍາມະການສູນ​ກາງ​ພັກ, ​​ເລຂາ​ພັກແຂວງ, ​ເຈົ້າ​ແຂວງ​ບໍລິ​ຄໍາ​ໄຊ, ບັນດາ​ຄະນະປະ​ຈໍາພັກ, ຄະນະ​ພັກ, ພ້​ອມດ້ວຍ​ພະນັກງານຫລັກ​ແຫ​ລ່ງ​ ​ແລະ ພະນັກງານ​ອາ​ວຸ​ໂສ​ບໍານານ​ ອ້ອມ​ຂ້າງ​ແຂວງ ​ເຂົ້າ​ຮ່ວມ.

ການ​ປະດັບ​ຫລຽນ​ໄຊ​ພິລະ​ອາດ​ຫານ​ ໃນ​ຄັ້ງ​ນີ້​ ປະກອບ​ມີຫລຽນ​ໄຊ​ພິລະ​ອາດ​ຫານ​ຊັ້ນ I ປະດັບ​ ໃຫ້ກົມ​ກອງ​ລວມໜູ່​ ແຂວງບໍລິ​ຄໍາ​ໄຊ, ຊັ້ນ II ​ໃຫ້​ແກ່ສອງ​ສະຫາຍ​ຄື: ສະຫາຍ ກອງ​ແກ້ວ ​ໄຊ​ສົງຄາມ ​ເຈົ້າ​ແຂວງ​ບໍລິ​ຄໍາ​ໄຊ ​ແລະ ສະຫາຍ ສຸວັນ​ນີ ​ໄຊຊະນະຮອງ​ເລຂາ​ພັກ​ແຂວງ​ບໍລິ​ຄໍາ​ໄຊ, ຊັ້ນ III ​ໃຫ້​ແກ່ 3 ສະຫາຍ ​ຄື: ສະຫາຍ ​ແດນ​ປີ ມູນ​ທະ​ດີ ຮອງ​ເລຂາ​ພັກ​ແຂວງ, ຮອງ​ເຈົ້າ​ແຂວງ​ບໍລິ​ຄໍາ​ໄຊ, ສະຫາຍ ບຸນ​ມາ ບຸ​ຈະ​ເລີ​ນ ຮອງ​ເລຂາ​ພັກ​ແຂວງ, ຮອງ​ເຈົ້າ​ແຂວງ​ ບໍລິ​ຄໍາ​ໄຊ ​ແລະ ສະຫາຍ ບຸນ​ເສັງ ປະຖໍາມະ​ວົງ ຮອງ​ເຈົ້າ​ແຂວງ​ບໍລິ​ຄໍາ​ໄຊ.

ໃນ​ໂອກາດ​ນີ້, ສະຫາຍ ພົນ​ໂທ ຈັນ​ສະໝອນ ຈັນຍາ​ລາດ ໄດ້​ໃຫ້​ກຽດ​ໂອ້​ລົມ​ຕໍ່ການ​ນໍາ ​ແລະ ພະນັກງານຫລັກ​ແຫລ່ງຂອງ​ແຂວງ​ ໂດຍ​ສະຫາຍ​ໄດ້​ສະ​ແດ​ງຄວາມ​ຍ້ອງຍໍ​ຊົມ​ເຊີຍ​ ຕໍ່​ຜົນງານທີ່​​ແຂວງ​ຍາດມາ​ໄດ້​ ໄລຍະ​ຜ່ານ​ມາ ​ແລະ ​ໃຫ້​ທິດ​ຊີ້​ນໍາ​ໃນ​ຕໍ່ໜ້າ ​ເຊິ່ງ​ໄດ້​ຮຽກຮ້ອງ​ໃຫ້​ແຂວງ​ບໍລິ​ຄໍາ​ໄຊ ​ເອົາ​ໃຈ​ໃສ່​ສືບ​ຕໍ່​ປະຕິບັດ​ ວຽກ​ງານປ້ອງ​ກັນຊາດ-ປ້ອງ​ກັນ​ຄວາມ​ສະຫງົບ ​ ໃຫ້​ໜັກ​ແໜ້ນ, ຮັບປະກັນ​ຄວາມ​ສະຫງົບ​ປອດ​ໄພ​​ທົ່ວ​ສັງຄົມ, ​ເອົາ​ໃຈ​ໃສ່​ພັດທະນາ​ເສດຖະກິດ-​ສັງຄົມ​ ໃຫ້​ມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ, ພ້ອມ​ກັນ​ຈັດ​ຕັ້ງ​ປະຕິບັດ ມະຕິ x ຂອງ​ສູນ​ກາງ​ພັກ ​ວາງ​ອອກ​ໃຫ້​ປະກົດຜົນ​ເປັນ​ຈິງ.

bolikhamxay1

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ປົກປັກຮັກສາມໍລະດົກວັດທະນະທຳ ການສະແດງຟ້ອນ ພະລັກ-ພະລາມ ໂດຍກະຊວງວັດທະນະທຳ ແລະ ການທ່ອງທ່ຽວ ຮ່ວມກັບ ສະຖານເອກອັກຄະລັດຖະທູດ ອິນເດຍ ປະຈໍາລາວ

ພິທີລົງນາມເອກະສານວ່າດ້ວຍການຈັດຕັ້ງປະຕິບັດໂຄງການ ປົກປັກຮັກສາການສະແດງຟ້ອນ ພະລັກ-ພະລາມ ແລະ ການພັດທະນາບຸກຄະລາກອນຮຸ່ນສືບທອດຂອງວິທະຍາໄລສິລະປະແຫ່ງຊາດ ໄດ້ຈັດຂື້ນໃນວັນທີ 19 ມັງກອນ 2026 ທີ່ກະຊວງວັດທະນະທຳ ແລະ ການທ່ອງທ່ຽວ. ໂດຍການລົງນາມຂອງ ທ່ານ ວັນສີ...

ພະຍາກອນອາກາດ ປະຈຳວັນທີ 18 ມັງກອນ 2026 ໜາວສຸດຢູ່ເຂດພາກເໜືອຕາເວັນອອກ ແລະ ຮ້ອນສຸດຢູ່ເຂດພາກໃຕ້

ຄວາມກົດດົນສູງຂອງອາກາດເຢັນຍັງສືບຕໍ່ປົກຄຸມທົ່ວທຸກພາກຂອງປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຍັງເຢັນ ຫາ ໜາວເຢັນໃນຕອນກາງຄືນ ຫາ ຕອນເຊົ້າຢູ່ໃນແຕ່ລະພາກ ພ້ອມມີໝອກບາງປົກຫຸ້ມຢູ່ບາງທ້ອງຖິ່ນໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ສ່ວນພາກກາງ ແລະພາກໃຕ້...

ເກີດແຜ່ນດິນໄຫວ ຢູ່ເມືອງນາຊາຍທອງ, ນະຄອນຫຼວງວຽງຈັນ ຂະໜາດ 1.9 ຣິກເຕີ, ຄວາມເລິກ 1 ກິໂລແມັດ ໃນເວລາ 14:20 ນາທີ ວັນທີ 15 ມັງກອນ 2026

ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວ ພາຍໃນປະເທດ ແລະ ບັນດາປະເທດໃກ້ຄຽງ ປະຈຳວັນທີ 15 ມັງກອນ 2026 ເວລາ 7:00 ໂມງເຊົໍ້າ ຫາ ວັນທີ...

ລະງັບແລ້ວ 75 ປະເທດ ອາເມລິກາ ສັ່ງລະງັບວີຊາ 75 ປະເທດ (ມີປະເທດໄທ) ເພື່ອປ້ອງກັນບໍ່ໃຫ້ຜູ້ອົບພະຍົບກາຍເປັນພາລະຂອງລັດ ມີຜົນເລີ່ມແຕ່ ວັນທີ 21 ມັງກອນ 2026 ເປັນຕົ້ນໄປ

ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ ທ່ານ ໂດນັລ ທຣຳ ປະທານາທິບໍດີ ແຫ່ງ ສະຫະລັດ ອາເມລິກາ, ປະກາດລະງັບການພິຈາລະນາວີຊາຜູ້ອົບພະຍົບ (Immigrant Visa) ສໍາລັບປະຊາຊົນຈາກ 75...