spot_img
Homeຂ່າວຕ່າງປະເທດພົບ​ດາວ​ເຄາະ​ແຄຣະດວງ​ໃໝ່​ໃນ​ລະບົບ​ສຸລິຍະ

ພົບ​ດາວ​ເຄາະ​ແຄຣະດວງ​ໃໝ່​ໃນ​ລະບົບ​ສຸລິຍະ

Published on

ນັກ​ດາຣາສາດ​ເອີ​ຣົບ​ເປີດ​ເຜີຍ​ການ​ຄົ້ນ​ພົບ ດາວ​ເຄາະ​ແຄຣະດວງ​ໃໝ່ RR245 ​ໃນ​ລະບົບ​ສຸລິຍະ​ຈັກກະ ວານ ​ເລຍ​ອອກ​ໄປ​ຈາກ​ດາວ​ເນ​ປຈູ​ນ.

ຕາມ​ຂ່າວ​ຕ່າງປະ​ເທດ​ລາຍ​ງານ​ໃນ​ວັນ​ທີ 12 ກໍລະກົດ​ທີ່​ຜ່ານ​ມາ​ວ່າ ພົບ​ດາວ​ເຄາະ​ແຄຣະທີ່​ຫາ​ໄດ້​ຍາກ ມີ​ຂະໜາດ​ນ້ອຍ​ກວ່າ​ໂລກ​ມະນຸດ 18 ​ເທົ່າ ຖືກ​ຄົ້ນ​ພົບ​​ໃນ​ລະບົບ​ສຸລິຍະ ​ເທິງ​ວົງ​ໂຄຈອນ​ທີ່​ແປກ​ປະຫຼາດ ​ເລຍ​ໄປ​ຈາກ​ດາວ​ເນ​ປຈູ​ນ. ທ່ານ ທອງ – ມາກ ​ເປ​ຕີ ນັກ​ດາຣາສາດ ສະ​ຖາ​ບັນ​ວິ​​ໄຈ CNRS ​ໃນ​ຝຣັ່ງ​ເປີດ​ເຜີຍ​ວ່າ ດາວ​ທີ່​ເຕັມ​ໄປ​ດ້ວນ​ນ້ຳກ້ອນ ຊຶ່ງ​​ເອີ້ນ​ຊື່ວ່າ“RR 245” ຂະນະ​ນີ້​ຢູ່​ຫ່າງ​ຈາກ​ດວງ​ອາທິດ​ປະມານ 9.700 ລ້ານ​ກິ​ໂລ​ແມັດ ຫຼື​ຫ່າງ​ຈາກ​ດວງ​ອາທິດ​ຫຼາຍ​ກວ່າ​ໂລກ 65 ​ເທົ່າ ​ແລະ ວົງ​ໂຄຈອນ​ຂອງ​ມັນ​ຜິດ​ປົກກະຕິ​ຫຼາຍ ​ໂດຍ​ໄລຍະ​ທີ່ຢູ່​ຫ່າງ​ໄກ​ອອກ​ໄປ​ຫຼາຍ​ທີ່​ສຸດ ຈະ​ຢູ່​ຫ່າງ​ຈາກ​ໂລກ 19 ຕື້​ກິ​ໂລ​ແມັດ ສ່ວນ​ໃນ​ໄລຍະ​ໃກ້​ສຸດ​ໃນ​ວົງ​ໂຄຈອນ 700 ປີ​ຕໍ່​ຮອບ​ຂອງ​ມັນ ຈະ​ເຄື່ອນ​ຜ່ານ​ດວງ​ອາທິດ​ໃນ​ໄລຍະ​ຫ່າງ​ປະມານ 5 ຕື້​ກິ​ໂລ​ແມັດ.

RR245 ​ໄດ້​ສັ່ງ​ເກດ​ເຫັນ​ເປັນ​ເທື່ອ​ທຳ​ອິດ​ໃນ​ເດືອນ​ກຸມພາ​ປີ​ນີ້ ຈາກ​ພາບ​ຖ່າຍ​ໃນ​ເດືອນ​ກັນຍາ​ປີ 2015 ​ໂດຍ​ໂຄງການ​ລະຫວ່າງ​ປະ​ເທດ​ທີ່​ມີ​ພາລະກິດ​ຄົ້ນ​ຫາ​ໂລກ​ທີ່ຢູ່​ຫ່າງ​ໄກ​ໃນ​ອະວະກາດ ປະ​ເມີນ​ວ່າ ​ເສັ້ນ​ຜ່ານ​ສູນ​ກາງຂອງ​ມັນ​ຢູ່​ທີ່​ປະມານ 700 ກິ​ໂລ​ແມັດ ທຽບ​ກັບ​ເສັ້ນ​ຜ່າ​ສູນ​ກາງຂອງ​ໂລກ​ຊຶ່ງ​ສະ​ເບ່ຍຢູ່​ທີ່ 12.742,02 ກິ​ໂລ​ແມັດ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...