ທາງການມາເລເຊຍປະກາດຫຼຸດອັດຕາດອກເບ້ຍລົງເປັນເທື່ອທຳອິດໃນຮອບ 7 ປີ ໃນວັນທີ 13 ກໍລະກົດທີ່ຜ່ານມາ ເນື່ອງຈາກເສດຖະກິດປະສົບບັນຫາການສົ່ງອອກງຽບເຫງົາ ແລະ ເສດຖະກິດໂລກບໍ່ແນ່ນອນ.
ສຳນັກຂ່າວຕ່າງປະເທດລາຍງານວ່າ: ທາງການມາເລເຊຍຕັດສິນໃຈຫຼຸດອັດຕາດອກເບ້ຍເງິນກູ້ຢືມລົງ 0,25 ຈຸດມາຢູ່ທີ່ 3% ໃນວັນທີ 13 ກໍລະກົດທີ່ຜ່ານມາ ຖືເປັນເທື່ອທຳອິດໃນຮອບ 7 ປີ ຊຶ່ງຖືເປັນຄວາມເຄື່ອນທີ່ບໍ່ຄາດຄິດກັນມາກ່ອນ ເນື່ອງຈາກເສດຖະກິດປະສົບບັນຫາການສົ່ງອອກງຽບເຫງົາ ແລະ ທ່າອຽງເສດຖະກິດໂລກບໍ່ແນ່ນອນ, ຫຼັງຈາກສິງກະໂປ ແລະ ອິນໂດເນເຊຍດຳເນີນການໄປກ່ອນໜ້ານີ້ ຊຶ່ງມີຂຶ້ນໃນໄລຍະທີ່ທະນາຄານລາຍໃຫຍ່ທົ່ວໂລກພະຍາຍາມດຳເນີນນະໂຍບາຍການເງິນແບບຜ່ອນປັນເພື່ອກະຕຸ້ນເສດຖະກິດ.
ທະນາຄານມາເລເຊຍຖະແຫຼງວ່າ ທ່າອຽງຂະແໜງການສົ່ງອອກຍັງງຽບເຫງົາພາຍຫຼັງປະລິມານຄວາມຕ້ອງ ການຈາກປະເທດຄູ່ຄ້າລາຍໃຫຍ່ຂອງມາເລເຊຍລໍຕົວລົງ, ອັດຕາດອກເບ້ຍນະໂຍບາຍຄົງທີ່ມາຕັ້ງແຕ່ເດືອນກໍລະກົດປີ 2014 ຫຼັງຈາກປັບຂຶ້ນ 0,25 ຈຸດ ແຕ່ຖືວ່າເປັນເທື່ອທຳອິດທີ່ປັບຫຼຸດລົງນັບຕັ້ງແຕ່ປີ 2009.