​ຫຼັງຈາກທີ່ເຮົາໄດ້ສະເໜີຂ່າວກ່ຽວກັບຊິບປະມວນຜົນໂຕໃໝ່ຂອງທາງ Apple ໄປແລ້ວ ນັ້ນຄື Apple A10 ທີ່ຈະເປັນຊິບເຊັດລຸ້ນໃໝ່ທີ່ໃສ່ເຂົ້າໄປໃນໂທລະສັບລຸ້ນ iPhone 7 ແລະ iPhone 7 Plus. ຫຼ້າສຸດນີ້ເອງກໍມີລາຍງານກ່ຽວກັບ iPhone 7 ທີ່ຈະມີຂະໜາດແບັດເຕີຣີທີ່ຫຼາຍກວ່າ iPhone 6s ແລະແນ່ນອນວ່າລາຍງານດັ່ງກ່າວຈະມາຈາກໃຜບໍ່ໄດ້ນອກຈາກເຈົ້າພໍ່ຂ່າວລື @OnLeaks.

ອີງຕາມຂໍ້ມູນຈາກ @OnLeaks ແມ່ນບອກວ່າແບັດເຕີຣີຂອງ iPhone 7 ນັ້ນຈະຢູ່ທີ່ 1960mAh ທຽບກັບ iPhone 6s ທີ່ມີແບັດເຕີຣີຢູ່ທີີ 1715mAh. ຖືວ່າເພີ່ມຂຶ້ນອີກໜ້ອຍໜຶ່ງປະມານ 14% ເລີຍ ໂດຍການເພີ່ມຂຶ້ນຂອງແບັດເຕີຣີຂອງ iPhone 7 ກໍບໍ່ເປັນຕາແປກໃຈຫຼາຍເພາະຕ້ອງກຽມເພື່ອມາຮອງຮັບການປະມວນຜົນສູບແບັດຈາກຊິບ A10 ໂຕໃໝ່ຂອງທາງແອັບເປີ້ນເອງ (^^).

ນອກຈາກລາຍງານນີ້ແລ້ວ ກໍມີຂ່າວລືທີ່ວ່າ iPhone 7 ຂະໜາດຈໍ 4.7 ນິ້ວ ແມ່ນຈະມີໂມດູນກ້ອງທີ່ໃຫຍ່ກວ່າເກົ່າ, four speaker grilles ແລະ antenna bands. ນອກຈາກນີ້ກໍຈະບໍ່ມີຮູສຽບ 3.5ມມ ອີກແລ້ວ ແລະທາງ Apple ຈະຂ້າມຈາກທີ່ແຕ່ກ່ອນເລີ່ມຕົ້ນຂາຍລຸ້ນ 16GB ມາເປັນ 32GB ເປັນຄວາມຈຸເລີ່ມຕົ້ນ.
ທີ່ມາ:fonearena,ເດັກລາວ