ໃນຊ່ວງໄລຍະນີ້ເວົ້າໄດ້ວ່າຫຼາຍໆຄົນກໍຄົງຈະໄດ້ເຫັນກະແສຂອງເກມ Pokemon GO! ນັ້ນມາແຮງອີ່ຫຼີຈົນເຮັດໃຫ້ກະແສຂ່າວຂອງ iPhone 7 ແລະ iPhone 7 Plus ເກືອບຈະບໍ່ມີ. ແຕ່ຫຼ້າສຸດນີ້ເຮົາກໍມີຂໍ້ມູນກ່ຽວກັບຊິບເຊັດໂຕໃໝ່ຈາກ Apple ນັ້ນກໍຄື A10 ອອກມາໃຫ້ເຫັນກັນ.
ສຳລັບທາງດ້ານຊິບ Apple A10 ນີ້ຈະເປັນຊິບປະມວນຜົນແບບ 2 ຄໍຄືເກົ່າ ຜະລິດໂດຍ TSMC ດ້ວຍສະຖາປັດຕະຍະກຳແບບ 16 ນມ ຄືກັນກັບ A9 ແຕ່ຈະມີປະສິດທິພາບທີ່ດີກວ່າ ແລະຈະເປັນຊິບໂຕໃໝ່ທີ່ຈະນຳມາໃຊ້ກັບ iPhone 7 ແລະ iPhone 7 Plus ທີ່ຈະເປີດໂຕໃນ (ຕອນໃດບໍ່ຮູ້).
ອີງຕາມຂໍ້ມູນຈາກ Geekbench ຊິບປະມານຜົນ A10 ນີ້ຈະມີຄະແນນປະມວນຜົນແບບຄໍດຽວຢູ່ທີ່ 3000 ຄະແນນ ແລະ ຫຼາຍກວ່າ 500 ຄະແນນ ຖ້າທຽບກັບເຈນເກົ່າແບບ A9 ຖືວ່າໜ້າພໍໃຈເລີຍສຳລັບຜົນຄະແນນທີ່ອອກມາ. ແຕ່ເຖິງຈະຫຼາຍກວ່າ A9 ກໍບໍ່ໄດ້ໝາຍຄວາມວ່າຈະເປັນຊິບທີ່ແຮງທີ່ສຸດໃນຊີຣີເພາະຍັງມີ A9X ທີ່ມີຄະແນນຢູ່ທີ່ 3010 ຄະແນນ ເຊິ່ງຊິບໂຕນີ້ແມ່ນໃຊ້ກັບ iPad Pro 9.7 ແລະ iPad Pro 12.9.
ທີ່ມາ:gizmochina,ເດັກລາວ