ຫຼັງຈາກທີ່ໂຕເກມ Pokemon GO! ໄດ້ເປີດໃຫ້ຫຼິ້ນຢູ່ອາເມຣິກາໄດ້ 1 ອາທິດມາແລ້ວແລະຕອນນີ້ເອງກໍໄດ້ຖືກຈັດເປັນເກມທີ່ມີຍອດຜູ້ຫຼິ້ນຫຼາຍທີ່ສຸດຕໍ່ມື້ (Daily Active Users) ຂອງເກມມືຖືເປັນທີ່ຮຽບຮ້ອຍແລ້ວ!
ອີງຈາກຂໍ້ມູນເວັບໄຊ SurveyMonkey ສະແດງໃຫ້ເຫັນວ່າ Pokemon GO! ມີຍອດຜູ້ຫຼິ້ນຕໍ່ມື້ຫຼາຍກວ່າ 21 ລ້ານຄົນ ລົ້ມແຊັມເກົ່າແບບ Candy Crush Saga ທີ່ມີຍອດຜູ້ຫຼິ້ນຕໍ່ມື້ປະມານ 20 ລ້ານຄົນ ໃນສະຫະລັດອາເມຣິກາ, ນອກນີ້ກໍຍັງແຊງເກມອື່ນໆທີ່ມີມາກ່ອນໜ້ານີ້ແບບ Slither.io, Clash Royale ແລະ Draw Somethig ອີກນຳ.
ແຕ່ສະຖິຕິທີ່ເອົາມາປຽບທຽບມີພຽງອາເມຣິກາເທົ່ານັ້ນ ເພາະຍອດຜູ້ໃຊ້ລວມທົ່ວໂລກຂອງເກມ Candy Crush Saga ມີຜູ້ຫຼິ້ນສູງສຸດຕໍ່ມື້ເຖິງ 93 ລ້ານຄົນ ເຊິ່ງຕອນນີ້ເກມ Pokemon GO! ນັ້ນຍັງຄົງເປີດບໍລິການພຽງບາງປະເທດເທົ່ານັ້ນເຊິ່ງບໍ່ສາມາດເອົາມາທຽບໄດ້ ແຕ່ໃນອະນາຄົດອາດບໍ່ແນ່ ເພາະຫຼ້າສຸດນີ້ Pokemon GO! ແມ່ນເປີດໃຫ້ບໍລິການທີ່ເຢຍລະມັນແລ້ວ ແລະຄາດວ່າຈະເປີດໃຫ້ບໍລິການປະເທດໃນແຖບເອເຊຍໃນໄວໆນີ້.
ທີ່ມາ:online station,ເດັກລາວ