ສຳນັກຂ່າວຕ່າງປະເທດ ລາຍງານໃນວັນທີ 13 ກໍລະກົດຜ່ານມານີ້ວ່າ ທ່ານ ນາງ ເທເຣຊາ ເມ ໄດ້ເຂົ້າຕຳແໜ່ງເປັນ ນາຍົກລັດຖະມົນຕີອັງກິດ ຢ່າງເປັນທາງການ ໃນວັນພຸດທີ 13 ກໍລະກົດ 2016 ໃນຂະນະທີ່ປະເທດອັງກິດ ກຳລັງຢູ່ໃນຂັ້ນຕອນ ໃນການນຳພາປະເທດຂອງຕົນ ອອກຈາກການເປັນສະມາຊິກ ສະຫະພາບເອີຣົບ ຫລື ອີຢູ.
ທັງນີ້ ນາຍົກລັດຖະມົນຕີອັງກິດຄົນໃໝ່ ໄດ້ມີແຜນຈັດຕັ້ງກະຊວງໃໝ່ຂຶ້ນ ສຳລັບດຳເນີນການຖອນຕົວ ອອກຈາກສະຫະພາບເອີຣົບ ໂດຍໄດ້ສະເໜີແຕ່ງຕັ້ງ ທ່ານ ເດວິດ ດີສ ອະດີດລັດຖະມົນຕີເອີຣົບ ເປັນລັດຖະມົນຕີກະຊວງໃໝ່ດັ່ງກ່າວ ຊຶ່ງຈະມີໜ້າທີ່ເປັນຫົວໜ້າຄະນະ ເພື່ອເຈລະນາແຈກຕົວອອກຈາກອີຢູ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!