spot_img
Homeຂ່າວພາຍ​ໃນທ່ານ ທອງລຸນ ນາຍົກຜູ້ທຳອິດຂອງລາວ ທີ່ເຫັນຄວາມສຳຄັນຂອງສື່ອອນໄລນ໌

ທ່ານ ທອງລຸນ ນາຍົກຜູ້ທຳອິດຂອງລາວ ທີ່ເຫັນຄວາມສຳຄັນຂອງສື່ອອນໄລນ໌

Published on

ຕອນບ່າຍມື້ນີ້ ວັນທີ 13 ກໍລະກົດ 2016 ຢູ່ທີ່ຫ້ອງປະຊຸມ ຫໍວັດທະນະທຳແຫ່ງຊາດ, ທ່ານນາຍົກລັດຖະມົນຕີ ປອ. ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ກຽດພົບປະໂອ້ລົມຕໍ່ຄະນະຜູ້ແທນໃນຂົງເຂດວຽກງານຖະແຫລງຂ່າວ ວັດທະນະທໍາ ແລະ ທ່ອງທ່ຽວ ພ້ອມບັນດາສື່ມວນຊົນລາວ ຫຼາຍກວ່າ 400 ທ່ານ.

ເນື້ອໃນໂອ້ລົມສ່ວນໜຶ່ງທ່ານກ່າວວ່າ ວຽກງານສື່ວິທະຍຸ, ໂທລະພາບ, ສິ່ງພິມ ແລະ ອື່ນໆ ເປັນສິ່ງສໍາຄັນທີ່ສຸດໃນຊີວິດປະຈໍາວັນຂອງພວກເຮົາບໍ່ສາມາດຕັດແຍກອອກຈາກກັນໄດ້ ແລະ ບໍ່ຕ່າງຫຍັງກັບອາຫານການກິນປະຈໍາວັນນັ້ນເອງ ທັງໝົດນັ້ນໄດ້ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດຢ່າງຕັ້ງໜ້າຈາກອະດີດຈົນເຖິງປັດຈຸບັນ ຍິ່ງສະພາບເງື່ອນໄຂທີ່ມີການປ່ຽນແປງໃນໂລກຢ່າງໄວວາກໍຍິ່ງເປັນສິ່ງທ້າທາຍຕໍ່ການພັດທະນາສື່ມວນຊົນຂອງພັກເຮົາ.

ແລະໃນໂອກາດດຽວກັນນັ້ນ ທ່ານກໍໄດ້ເນັ້ນໃຫ້ເຫັນວ່າ ໃນປັດຈຸບັນ ສື່ສັງຄົມອອນໄລນ໌ ແລະລະບົບອິນເຕີເນັດ ແມ່ນພາຫະນະທີ່ສຳຄັນໜຶ່ງໃນການຕອບສະໜອງຂໍ້ມູນ ຂ່າວສານ, ສາລະໜ້າຮູ້ ແລະອື່ນໆ ວ່ອງໄວທີ່ສຸດ ວິນາທີຕໍ່ວິນາທີ ດັ່ງນັ້ນ, ສື່ສັງຄົມອອນໄລນ໌ ຈຶ່ງມີປະໂຫຍດຫຼາຍທີ່ປະຕິເສດບໍ່ໄດ້. ສື່ສັງຄົມອອນໄລນ໌ ສາມາດເປັນວັດຈະນານຸກົມ ແລະຫໍສະໝຸດອັນມະຫຶມາໄດ້ ແຕ່ໃນນັ້ນກໍຕ້ອງໃຫ້ຮູ້ຈັກໝຸນໃຊ້ ແລະຄຸ່ມຄອງໃຫ້ດີ ກໍຈະເກີດປະໂຫຍດສູງສຸດ ເພາະໃນສື່ອອນໄລນ໌ ມີທັງຂໍ້ມູນຈິງແລະບໍ່ຈິງ, ມີທັງຂໍ້ມູນດີແລະຮ້າຍ ຖ້າຫາກບໍ່ຮູ້ໝຸນໃຊ້ກໍຈະເປັນອັນຕະລາຍໄດ້ໄວເຊັ່ນກັນ.

ນັ້ນແມ່ນ, ບາງສ່ວນຂອງຄຳເຫັນທີ່ທ່ານນາຍົກໄດ້ຍົກຂຶ້ນ ໃນໂອກາດພົບປະໂອ້ລົມໃນຄັ້ງນີ້ ເຊິ່ງສະແດງໃຫ້ເຫັນວ່າ ທ່ານນາຍົກ ທ່ານນີ້ເປັນນາຍົກຜູ້ທຳອິດຂອງລາວ ທີ່ສະແດງທັດສະນະໃຫ້ເຫັນຢ່າງຊັດເຈນວ່າ ລະບົບອິນເຕີເນັດແລະສື່ສັງຄົມອອນໄລນ໌ ມີຄວາມສຳຄັນແລະເປັນປະໂຫຍດຫຼາຍ.

————————-
ຄລິກນີ້ເພື່ອອ່ານຂ່າວອື່ນໆ ທີ່ໜ້າສົນໃຈ

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...