ສຳນັກຂ່າວຕ່າງປະເທດ ລາຍງານໃນວັນທີ 12 ກໍລະກົດຜ່ານມານີ້ວ່າ ທາງການ ສປປ ເກົາຫລີ ຫລື ເກົາຫລີເໜືອ ໄດ້ອະນຸຍາດໃຫ້ນັກທ່ອງທ່ຽວຊາວຈີນ ເດີນທາງເຂົ້າປະເທດໄດ້ ເປັນເວລາເຄິ່ງມື້ ໃນເຂດເມືອງຊາຍແດນ ຈີນ-ເກົາຫລີເໜືອ ໂດຍບໍ່ຈຳເປັນຕ້ອງໃຊ້ໜັງສືເດີນທາງ ຫລື ປັດສະປໍ ຊຶ່ງເປັນມາດຕະການດຶງດູດນັກທ່ອງທ່ຽວ ມີຜົນບັງຄັບໃຊ້ນັບຕັ້ງແຕ່ວັນເສົາທີ 9 ກໍລະກົດ 2016 ຜ່ານມານີ້ ໂດຍນັກທ່ອງທ່ຽວຊາວຈີນ ສາມາດເດີນທາງຈາກເມືອງດານຕົງ ຊຶ່ງເປັນເມືອງຊາຍແດນຝັ່ງປະເທດຈີນ ສູ່ເມືອງຊິນອຶຍຈູ ຊາຍແດນເບື້ອງຝັ່ງເກົາຫລີເໜືອ ແລະ ສາມາດເດີນທາງທ່ອງທ່ຽວໄດ້ ໃນພື້ນທີ່ກຳນົດປະມານ 30 ຕາລາງກິໂລແມັດ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!