ຂປລ. ​ເມືອງ​ເລົ່າງາມ​ ແຂວງ​ສາລະ​ວັນ​ ໄດ້​ຈັດ​ພິທີ​ປະກາດ​​ ເປັນເມືອງ​ຈົບ​ມັດທະຍົມ​ຕົ້ນ​ບຳລຸງ​ ໃນ​ວັນ​ທີ 11 ກໍລະກົດ 2016 ພາຍຫລັງຈັດ​ຕັ້ງ​ ປະຕິບັດ​ການ​ຮຽນ-ການ​ສອນ​ ມາ​ແຕ່ ປີ 2012-2015 ມີ​ປະຊາກອນ​ ໄດ້​ຮັບ​ການ​ບຳລຸງ​ຈົບ​ຊັ້ນ​ມັດທະຍົມບຳລຸງ 2.537 ຄົນ, ຍິງ 1.347 ຄົນ​ເທົ່າ​ກັບ 98%, ມີ​ຄູ​ສອນ​ທັງໝົດ 346 ຄົນ, ຍິງ 94 ຄົນ​.

ສຳລັບການ ​ຮຽນການ​ສອນ ​ແມ່ນ​ໄດ້​ປະຕິບັດ​ຕາມ 3 ລັກສະ​ນະ 5 ຫລັກມູນ​ ຂອງ​ການ​ສຶກສາ​ຄື: ຄຸນສົມບັດ​ສຶກສາ, ປັນຍາ​ສຶກສາ, ​ແຮງ​ງານ​ສຶກສາ ​ແລະ ພາລະ​ສຶກສາ.​ ​ໃນ​ໂອກາດ​ດຽວກັນ​ ກໍໄດ້​ມອບ​ໃບ​ຍ້ອງ​ຍໍ​ຂັ້ນ​ຕ່າງໆ​ ໃຫ້​ແກ່​ຄູ​-ອາຈານ ​ຜູ້​ທີ່​ມີ​ຜົນງານ​ ໃນ​ການ​ສິດສອນ​ ໂດຍມີ ທ່ານ ສີ​ສຸວັນ ວົງ​ຈອມ​ສີ ​ເຈົ້າ​ແຂວງໆສາລະ​ວັນ, ທ່ານ ຄຳ​ພວງ ບຸນ​ມີ​​ໄຊ ຄະນະ​ປະຈຳ​ພັກ​ ກະຊວງ​ສຶກສາທິການ ​ແລະ ​ກິລາ ​​ແລະ ພາກສ່ວນ​ກ່ຽວຂ້ອງ ​ເຂົ້າ​ຮ່ວມ.

ແຫລ່ງຂ່າວ:

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!