ໃນຂະນະທີ່ການແຂ່ງຂັນເຕະບານໂລກກຳລັງເຂັ້ມຂົ້ນດຸເດືອດນັ້ນ ນອກຈາກນັ້ນແລ້ວນອກສະໜາມເຕະບານກໍຍັງມີການແຂ່ງຂັນອີກ ເມື່ອ FIFA ໄດ້ແບນຫູຟັງ Beats ຂອງແອັບເປີ້ນເນື່ອງຈາກວ່າອາດຂັດແຍ່ງກັບສິນຄ້າຂອງ Sony ເຊິ່ງເປັນຜູ້ສະໜັບສະໜູນຢ່າງເປັນທາງການ

ໂດຍນັກກິລາຈະບໍ່ສາມາດໃສ່ຫູຟັງ Beats ທີ່ໂຕເອງມັກໄດ້ໃນສະໜາມເຕະບານແລະງານຖະແຫຼງຂ່າວຢ່າງເປັນທາງການຂອງການເຕະບານໂລກເທື່ອນີ້ ເຊິ່ງ Sony ກໍໄດ້ເຮັດການສົ່ງຫູຟັງໃຫ້ກັບນັກກິລາທຸກຄົນແທນ

ຢ່າງໃດກໍຕາມກົດນີ້ບໍ່ສາມາດຫ້າມໃຊ້ໃນນອກສະໜາມໄດ້ ໂດຍສຳນັກຂ່າວ Reuters ລາຍງານວ່າພົບນັກເຕະບານຊຸບເປີ້ສະຕຣາຫຼາຍຄົນໃສ່ຫູຟັງຂອງ Beats ລະຫວ່າງຊ່ວງພັກຜ່ອນຫຼືຍ່າງເຂົ້າອອກສະໜາມຊ້ອມ

– ນັກເຕະບານທີມຊາດໂປຣຕຸເກດຫຼາຍຄົນໃສ່ຫູຟັງ Beats ລະຫວ່າງການເດີນທາງດ້ວຍເຄື່ອງບິນ
– Neymar ນັກເຕະບານຊຸບເປີ້ສະຕຣາຂອງບຣາຊິວໃສ່ຫູຟັງສີເຫຼືອງໃນຂະນະທີ່ລົງລົດບັດໜ້າສະໜາມ Castelao Stadium ກ່ອນນັດເຈີກັນກັບ Mexico
– Luis Suárez ໃສ່ຫູຟັງ Beats ສີຟ້າໃນຂະນະທີ່ຫຼິ້ນກັບໝູ່
– Wayne Rooney ແລະນັກເຕະຂອງອັງກິດໃສ່ຫູຟັງສີຂາວ ໃນຂະນະທີ່ຍ່າງຫຼິ້ນ

ໂດຍນັກວິເຄາະຫຼາຍຄົນບອກວ່າເທັກນິກການໂຄສະນາຂອງ Beats ນັ້ນຮ້າຍຫຼາຍ ເພາະບໍ່ຈຳເປັນຕ້ອງໃຊ້ເງິນຫຼາຍແບບ Sony ແຕ່ພັດໄດ້ຮັບຄວາມສົນໃຈຈາກສື່ຕະຫຼາດເວລາແມ້ແຕ່ຄລິບ The Game Before The Game ທີ່ Beats ໃຊ້ໂປຣໂໝດໃນເຕະບານໂລກເທື່ອນີ້ ຍັງມີຄົນເຂົ້າເບິ່ງກວ່າ 16 ລ້ານເທື່ອ ຫຼາຍກວ່າຄລິບຂອງ Adidas ຜູ້ສະໜັບສະໜູນຢ່າງເປັນທາງການຊ້ຳ

ທີ່ມາ – Reuters, Cult of Mac
https://www.youtube.com/watch?v=v_i3Lcjli84