ລັດຖະບານບຣາຊິນກຳລັງພິຈາລະນາຂະຫຍາຍສະໜາມບິນ 2 ແຫ່ງ ໃນເມືອງຣິໂອ ແລະ ເມືອງເຊົາເປົາໂລ ເພື່ອຊ່ວຍຫຼຸດການຂາດດຸນງົບປະມານໃນປີໜ້າ.
ຕາມຂ່າວຕ່າງປະເທດລາຍງານວ່າ ລັດຖະບານບຣາຊິນກຳລັງພິຈາລະນາຂະຫຍາຍສະໜາມບິນ 2 ແຫ່ງໃນເມືອງຣິໂອ ແລະ ເມືອງເຊົາເປົາໂລ ເພື່ອຊ່ວຍຫຼຸດການຂາດດຸນງົບປະມານໃນປີໜ້າ ຈາກການເປີດເຜີຍຂອງທ່ານ ມິເຊລ ເທເມີ ປະທານາທິບໍດີຂອງບຣາຊິນໃນວັນທີ 10 ກໍລະກົດທີ່ຜ່ານມາ, ທ່ານເທເມີ ແລະ ທິມເສດຖະກິດລັດຖະບານຊຸດປະຈຸບັນ ບໍເຫັນດີກັບການຄັດຄ້ານຂອງລັດຖະບານຊຸດກ່ອນ ສຳລັບຄວາມເປັນໄປໄດ້ໃນການຂະຫຍາຍສະໜາມບິນຊານໂຕສ ດູມອງ ໃນເມືອງຣິໂອເດີຈາເນໂຣ ແລະ ສະໜາມບິນຄອນໂກຍາ ຢູ່ເມືອງເຊົາເປົາໂລ ເປັນໄປໄດ້ວ່າເຮົາຈະຂະຫຍາຍສະໜາມບິນທັງສອງແຫ່ງ ແລະ ມັນຈະເຮັດໃຫ້ມີເງິນຈຳນວນຫຼາຍ. ລັດຖະບານບຣາຊິນມີແຜນຂະຫຍາຍຊັບສິນຫຼາຍໂຄງການ ແລະ ໃຫ້ສຳປະທານບໍລິສັດຕ່າງໆໃນການກໍ່ສ້າງ ແລະ ດຳເນີນໂຄງການສາທາລະນູປະໂພກ ຂະນະທີ່ລັດຖະບານພະຍາຍາມປົວແປງເສດຖະກິດ ແລະ ຫຼຸດການຂາດດຸນງົບປະມານ ຊຶ່ງຕົວເລກຕາມການປະເມີນຢູ່ທີ່ 170 ຕື້ໂດລາສະລັດໃນປີນີ້.
ທ່ານ ເອນຣິເກ້ ໄມເຣລເລສ ລັດຖະມົນຕີວ່າການກະຊວງການຄ້າບຣາຊິນ ຕ້ອງຫຼຸດຕົວເລກຂາດດຸນລົງເຫຼືອ 139 ຕື້ໂດລາໃນປີໜ້າ ແລະ ລັດຖະບານຈຳເປັນຕ້ອງຕັດຫຼຸດລາຍຈ່າຍ 80 ຕື້ໂດລາ ເພື່ອບັນລຸເປົ້າໝາຍ.