ສຳນັກຂ່າວຕ່າງປະເທດ ລາຍງານໃນວັນທີ 11 ກໍລະກົດນີ້ວ່າ ໃນວັນທີ 9 ກໍລະກົດ 2016 ເຮືອປະມົງຫວຽດນາມ ໄດ້ເຂົ້າຊ່ວຍເຫລືອ ຊາວປະມົງມາເລເຊຍ ຈຳນວນ 5 ຄົນ ທີ່ຖືກອຸບັດເຫດກຳປັ່ນເປ່ເພຢູ່ກາງທະເລ ເປັນເວລາ 9 ວັນ ເພື່ອກັບຄືນສູ່ບ້ານເກີດເມືອງນອນ ຢູ່ປະເທດມາເລເຊຍ ຢ່າງປອດໄພ.

ແຫລ່ງຂ່າວລາຍງານວ່າ ກຳປັ່ນລຳດັ່ງກ່າວ ໄດ້ອອກຈາກ​ຝັ່ງ​ທະ​ເລ ໃນ​ວັນ​ທີ 28 ມິຖຸນາຜ່ານມາ ແລະ ຄາດ​ຄະ​ເນ​ວ່າ​ຈະ​ກັບ​ຄືນເມືອ​ ໃນວັນ​ທີ 1 ກໍລະກົດ ​ເພື່ອ​ເຂົ້າ​ຮ່ວມ​ບຸນ Raya Aidilfitri, ຫລັງຈາກ​ນັ້ນ 4 ວັນ​ ກ່ຳ​ປັ່ນຂອງ​ເຂົາ​ເຈົ້າ​ ກໍເປ່ເພ ແລະ ບໍ່​ສາມາດເຄື່ອນ​ໄຫວ​ໄດ້ ໂດຍພາຍຫລັງໄດ້ຮັບ​ການ​ຊ່ວຍ​ເຫລືອ ຈາກ​ຊາວ​ປະມົງຫວຽດນາມ, ກຳ່​ປັ່ນ​ລຳດັ່ງກ່າວ ຈຶ່ງສາມາດ​ເຄື​່ອນ​ໄຫວ​ຄືນ​ໃໝ່​ໃນ​ເວລາ 6 ​ໂມງ​ແລງ​ຂອງ​ວັນ​ທີ 9 ກໍລະກົດ ຜ່ານມານີ້.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!