ສຳນັກຂ່າວຕ່າງປະເທດ ລາຍງານໃນວັນທີ 11 ກໍລະກົດນີ້ວ່າ ກຸ່ມລັດອິດສະລາມ ຫລື ໄອເອັສ ໄດ້ສູນເສຍດິນແດນຍຶດຄອງຂອງຕົນ ທັງໃນອີຣັກ ແລະ ຊີຣີ ຫລຸດລົງຢ່າງຕໍ່ເນື່ອງ ໂດຍຂໍ້ມູນຫລ້າສຸດຈາກ ສະຖາບັນວິໄຈ IHS ເປີດເຜີຍເມື່ອວັນອາທິດທີ 10 ກໍລະກົດ 2016 ລະບຸວ່າ ດິນແດນຂອງກຸ່ມໄອເອັສ ໄດ້ຫລຸດລົງໄປແລ້ວ 12% ນັບຕັ້ງແຕ່ປີ 2016 ນີ້ເປັນຕົ້ນມາ.
ລາຍງານດັ່ງກ່າວຍັງລະບຸອີກວ່າ ໃນປີ 2015 ຜ່ານມາ ດິນແດນຍຶດຄອງຂອງກຸ່ມໄອເອັສ ໄດ້ຫລຸດລົງໄປກວ່າ 12,800 ຕາລາງກິໂລແມັດ ຫລື ປະມານ 14% ຂອງດິນແດນທີ່ຢູ່ໃນຄອບຄອງທັງໝົດ ຊຶ່ງປັດຈຸບັນນີ້ ກຸ່ມດັ່ງກ່າວຍັງສາມາດຄວບຄຸມພື້ນທີ່ ທີ່ຕົນເອງຍຶດຄອງໄວ້ໄດ້ ມີບໍ່ເຖິງ 63,300 ຕາລາງກິໂລແມັດ.
ເມື່ອເດືອນພຶດສະພາຜ່ານມານີ້ ກະຊວງປ້ອງກັນປະເທດ ສະຫະລັດອາເມຣິກາ ກໍໄດ້ອອກມາຄາດການວ່າ ກຸ່ມໄອເອັສ ໄດ້ສູນເສຍດິນແດນຂອງຕົນຢູ່ອີຣັກແລ້ວ 45% ລວມເຖິງສູນເສຍດິນແດນອີກ ລະຫວ່າງ 16-20% ໃນປະເທດຊີຣີ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!