ຂປລ. ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂ່ຳນັບ ຂອງທ່ານ Yun Kang-hyeon ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສ ເກົາຫລີ ປະຈຳ ສປປ ລາວ ໃນວັນທີ 11 ກໍລະກົດ ນີ້ ທີ່ຫ້ອງວ່າການ ສຳນັກງານ ນາຍົກລັດຖະມົນຕີ ໃນໂອກາດ ທີ່ມາດຳລົງແໜ່ງເປັນ ທູດ ສ ເກົາຫລີ ຄົນໃໝ່ ປະຈຳ ສປປ ລາວ.
ໃນໂອກາດນີ້, ທ່ານ ທອງລຸນ ສີສຸລິດ ໄດ້ສະແດງ ຄວາມຍິນດີຕ້ອນຮັບ, ຊົມເຊີຍ ພ້ອມທັງຕີລາຄາສູງ ຕໍ່ທ່ານທູດ ແລະ ເຊື້ອໝັ້ນວ່າ ການມາດຳລົງ ຕຳແໜ່ງຂອງທ່ານ ທູດ ຈະເປັນການ ປະກອບສ່ວນສຳຄັນ ເຂົ້າໃນການເພີ່ມທະວີ ການຮ່ວມມື ລະຫວ່າງ ສປປ ລາວ ແລະ ສ ເກົາຫລີ ໃຫ້ມີບາດກ້າວ ຂະຫຍາຍຕົວຍິ່ງໆຂຶ້ນ. ພ້ອມທັງ ອວຍພອນໃຫ້ທ່ານທູດ ຈົ່ງປະສົບຜົນສຳເລັດ ໃນຕະຫລອດໄລຍະ ການມາປະຕິບັດ ໜ້າທີ່ການທູດຢູ່ ສປປ ລາວ ໃນຄັ້ງນີ້.
ພ້ອມດຽວກັນນີ້, ທ່ານທູດ ກໍໄດ້ສະແດງ ຄວາມຂອບໃຈ ຕໍ່ທ່ານນາຍົກລັດຖະມົນຕີ ໃນການຕ້ອນຮັບ ອັນອົບອຸ່ນ, ພ້ອມທັງຢືນຢັນວ່າ ຈະສຸມທຸກ ຄວາມພະຍາຍາມ ເຫື່ອແຮງ ແລະ ສະຕິປັນຍາ ເພື່ອປະກອບສ່ວນ ເຂົ້າໃນການເສີມຂະຫຍາຍ ສາຍພົວພັນ ການຮ່ວມມືດ້ານ ການພັດທະນາ ຮອບດ້ານ ໃຫ້ແຕກດອກອອກຜົນ ງອກງາມຍິ່ງໆຂຶ້ນ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!