ກົມຂົນສົ່ງກະຊວງໂຍທາທິ ການ ແລະ ຂົນສົ່ງ ໃຫ້ຮູ້ວ່າ: ໂດຍໄດ້ຮັບການ ຊ່ວຍເຫລືອຈາກທະນາຄານພັດທະນາອາຊີ, ໃນປັດຈຸບັນນີ້ກະຊວງໂຍທາ ພວມຢູ່ ໃນຂັ້ນຕອນວາງແຜນພັດທະນາໂຄງການຂົນສົ່ງແບບຍືນຍົງຢູ່ໃນນະຄອນຫລວງ ວຽງຈັນ ເພື່ອຈະປັບປຸງເສັ້ນທາງສາທາ ລະນະໃຫ້ສາມາດເຊື່ອມຕໍ່ໃສ່ກັນ ແລະ ສາ ມາດຄວບຄຸມໃນເຂດ ພື້ນທີ່ກ້ວາງຂວາງກວມປະ ມານ 84 ກິໂລແມັດ, ຂອງບັນ ດາຖະຫນົນສາຍຫລັກຄືຈາກສະຫນາມບິນວັດໄຕເຂົ້າມາສູ່ໃຈກາງຕົວ ເມືອງ ດ້ວຍ ລະບົບຊ່ອງທາງຈະລາຈອນສະເພາະເພື່ອໃຫ້ການ ເດີນທາງໄວຂຶ້ນ ແລະ ສະດວກ ສະບາຍທີ່ເອີ້ນວ່າ: ລະບົບໂດຍ ສານປະ ຈຳທາງ ດ່ວນພິເສດ ( BRT ) ແນໃສ່ສ້າງໃຫ້ລະບົບ ການຄົມມະນາຄົມໃນນະຄອນ ຫລວງວຽງຈັນມີຄວາມທັນສະ ໄຫມ ແລະ ເປັນເມືອງທີ່ສະອາດ ງົດງາມ, ແກ້ໄຂສະພາບລົດແອ ອັດເນື່ອງຈາກການເພີ່ມຂຶ້ນຂອງປະຊາກອນ ແລະ ຈຳນວນພາ ຫະນະ ຍວດຍານຕ່າງໆ.
ຜູ້ລາຍງານຂ່າວໃຫ້ຮູ້ວ່າ: ໂຄງການດັ່ງກ່າວຈະເລີ່ມປະຕິ ບັດນັບແຕ່ປີ 2017 ເປັນຕົ້ນໄປ ໂດຍຄາດວ່າຈະໃຫ້ສຳເລັດ ແລະ ໄດ້ເປີດນຳໃຊ້ໃນປີ 2019 ໂດຍ ສະເພາະຖະຫນົນເສດຖາທິລາດ ນັບແຕ່ເຂດວັດອິນແປງໄປຫາ ນ້ຳພຸຈະເປັນເສັ້ນທາງ ສຳລັບລົດເມພິເສດ ແລະ ສຳລັບຜູ້ໃຊ້ລົດ ຈັກ, ລົດຖີບເທົ່ານັ້ນ, ສ່ວນເຂດ ຖະຫນົນປາງຄຳ ແລະ ຖະຫນົນ ຝຣັງຊົວງິນກໍ ຈະເປັນເຂດຄົນຍ່າງ, ສ່ວນການຈອດລົດລາງ ພາຫະນະຕ່າງໆໃນຕົວເມືອງ ແມ່ນຈະມີການຈັດສັນຄືນໃຫມ່ ໃຫ້ມີຄວາມ ເປັນລະບຽບຮຽບຮ້ອຍທີ່ສຸດ. ສຳລັບລົດເມພິເສດ ນີ້ຈະກຳນົດມີ 23 ສະຖານີໂດຍຈະນຳໃຊ້ລົດເມທີ່ໃຫຍ່ສາມາດ ບັນຈຸໄດ້ ຫລາຍ ແລະ ເປັນລົດປັບອາກາດທີ່ສະອາດງົດງາມ ແລະ ທັນສະໄຫມ, ດ້ວຍລາຄາບໍລິການປະຢັດທີ່ສຸດ.
ຂອບໃຈຂ່າວຈາກ: http://laophatthananews.blogspot.com