ສຳນັກຂ່າວຕ່າງປະເທດ ລາຍງານໃນວັນທີ 7 ກໍລະກົດນີ້ວ່າ ທ່ານ ອາລີ ຄາເມອີ ຜູ້ນຳສູງສຸດຂອງອີຣ່ານ ໄດ້ກ່າວຄຳເຫັນໃນພິທີສະເຫລີມສະຫລອງ ວັນອອກເດືອນຖືສິນອົດ (Eid al Fitr) ຂອງຊາວມຸດສະລິມ ຢູ່ນະຄອນຫລວງເຕຫະຣານ ມື້ວານນີ້ (6 ກໍລະກົດ) ຊຶ່ງທ່ານໄດ້ຖະແຫລງວ່າ ວັນບູນ Eid al Fitr ຢູ່ບາງປະເທດອິດສະລາມປີນີ້ ຖືກພວກກໍ່ການຮ້າຍຫັນເປັນພິທີງານສົບ ຊື່ງບັນດາໂທດກຳຄືແນວນັ້ນ ແມ່ນຜົນສະທ້ອນຂອງການກະທຳ ລ້ຽງດູລັດທິກໍ່ການຮ້າຍ ໂດຍບັນດາອົງການສືບລາຊະການລັບຂອງອາເມຣິກາ (CIA), ອິດສະຣາແອນ ແລະ ອັງກິດ ເປັນຜູ້ດຳເນີນການ. ທ່ານໄດ້ກ່າວເຕືອນບັນດາຜູ້ຢູ່ເບື້ອງຫລັງ ໃນການກໍ່ສ້າງກູ່ມກໍ່ການຮ້າຍ ແມ່ນຈະບໍ່ສາມາດຫລີກເວັ້ນ ຈາກບັນດາຜົນສະທ້ອນ ຂອງການກໍ່ການຮ້າຍໄດ້.
ພ້ອມດຽວກັນນີ້ ທ່ານ ອາລີ ຄາເມອີ ກໍໄດ້ກ່າວປະນາມ ບັນດາເຫດບຸກໂຈມຕີ ຢູ່ບັນດາປະເທດອິດສະລາມ ຊຶ່ງເປັນເຫດເຮັດໃຫ້ສາມັນຊົນນັບຮ້ອຍຄົນ ເສຍຊີວິດ ແລະ ໄດ້ຮັບບາດເຈັບ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!