ອີງຕາມການລາຍງານຂອງ ຂ່າວສານປະເທດລາວ ແຂວງອັດຕະປືສາມາດຂຶ້ນທະບຽບແຮງງານຕ່າງປະເທດທີ່ຖືກຕ້ອງຕາມກົດໝາຍໄດ້ພຽງ 469 ຄົນ ຂະນະທີ່ ແຮງງານທີ່ຍັງບໍ່ຖືກຕ້ອງຕາມລະບຽບກົດໝາຍພົບວ່າມີເຖິງ 848 ຄົນ ເກືອບ 2 ເທົ່າຂອງນຳນວນທີ່ຖືກົດໝາຍ.
ຕົວເລກດັ່ງກ່າວຖືກເປີດເຜີຍໃນກອງປະຊຸມກ່ຽວກັບການຕີລາຄາຄືນດ້ານການຈັດຕັ້ງປະຕິບັດ ວຽກງານການກວດກາແຮງງານ ແລະ ຄຸ້ມຄອງແຮງງານໂດຍສະເພາະແມ່ນວຽກງານການອະນຸຍາດຂຶ້ນໃບຊົ່ວຄາວ ໃຫ້ຄົນຕ່າງປະເທດທີ່ມາເຄື່ອນໄຫວບໍ່ຖືກຕ້ອງໃນ ແຂວງອັດຕະປື ທີ່ຈັດຂຶ້ນໃນວັນທີ 4 ກໍລະກົດ 2016 ນີ້. ໂດຍໄດ້ເປີດເຜີຍວ່າ: ຈາກການເຄື່ອນໄຫວກວດກາຂອງພາກສ່ວນທີ່ກ່ຽວຂ້ອງ ໄດ້ກວດພົບແຮງງານທີ່ເຂົ້າມາເຄື່ອນໄຫວຢູ່ພາຍໃນແຂວງ ມີຈໍານວນ 1.317 ຄົນ, ໃນນັ້ນແຮງງານຖືກຕ້ອງມີ 469 ຄົນ, ແຮງງານບໍ່ຖືກຕ້ອງມີ 848 ຄົນ.
ການລົງເກັບກຳກວດກາຂອງພາກສ່ວນທີ່ກ່ຽວຂ້ອງ ດຳເນີນໄປດ້ວຍຄວາມຫຍຸ້ງຍາກ ອັນເນື່ອງມາຈາກແຮງງານຕ່າງປະເທດຈຳນວນຫຼາຍບໍ່ໃຫ້ການຮ່ວມື ໂດຍຍັງມີການຫຼົບຫຼີກເຈົ້າໜ້າທີ່ ແລະຜູ້ໃຊ້ແຮງງານກໍບໍ່ໃຫ້ຄວາມຮ່ວມມືກັບເຈົ້າໜ້າທີ່ເທົ່າທີ່ຄວນ. ໃນຂະນະທີ່ລາຍງານຂ່າວບໍ່ໄດ້ແຈ້ງວ່າ ແຮງງານຕ່າງປະເທດດັ່ງກ່າວ ມີຄົນສັນຊາດໃດແດ່.