Motorola ໄດ້ເປີດໂຕໂທລະສັບລຸ້ນໃໝ່ໃນຊີຣີ Moto Z ພ້ອມກັບອຸປະກອນເສີມທີ່ມີຊື່ວ່າ Moto Mods ໄປແລ້ວເມື່ອເດືອນກ່ອນນີ້. ຫຼ້າສຸດນີ້ເອງກໍມີຂໍ້ມູນມາຈາກປະເທດຈີນວ່າມີໂທລະສັບລຸ້ນ Moto Z Play ເຜີຍອອກມາຜ່ານແອັບ AnTuTu benchmark ໂດຍມີທັງຂໍ້ມູນທາງດ້ານສະເປັກແລະຄະແນນຂອງເຄື່ອງອອກມານຳ.
ສຳລັບລູ້ນ Moto Z Play ແມ່ນຈະເປັນລຸ້ນນ້ອຍສຸດຂອງຊີຣີ ທີ່ມີຄະແນນ AnTuTu ຢູ່ທີ່ 59000, ເຊິ່ງມີໜ້າຈໍຂະໜາດ 5.5 ນິ້ວ, ຄວາມລະອຽດ FullHD (1920 x 1080 ພິກເຊວ), ໃຊ້ງານຊິບປະມວນຜົນ Snapdragon 625, RAM 2GB / 3GB ແລະ ROM 32GB ROM.
ສຳລັບກ້ອງຫຼັງແມ່ນຕິດຕັ້ງມາ 16 ລ້ານພິກເຊວ ແລະກ້ອງໜ້າ 5 ລ້ານພິກເຊວ. ໃຊ້ງານລະບົບ Android 6.0.1. ໂດຍລາຄາຂອງໂຕເຄື່ອງຄາດວ່າ 1699 ຢວນ ແຕ່ລາຄາໃນລະດັບນີ້ຄົງຈະຂາຍຍາກໃນຈີນ ເພາະສາມາດຊື້ໄດ້ທັງ Xiaomi Mi5 ແລະ ZUK Z2 ທີ່ໃຊ້ຊິບເຮືອທຸງແບບ Snapdragon 820 ເລີຍ.
ທີ່ມາ:gizmochina,ເດັກລາວ