ສຳນັກຂ່າວຕ່າງປະເທດ ລາຍງານໃນວັນທີ 6 ກໍລະກົດນີ້ວ່າ ກຸ່ມພະນັກງານແພດ ແລະ ພະນັກງານຄູ ຢູ່ປະເທດຊິບບັບເວ ໄດ້ປະກາດໃນມື້ວານນີ້ (5 ກໍລະກົດ 2016) ວ່າຈະຢຸດງານປະທ້ວງຍາວ ໄປຈົນຮອດວັນທີ 14 ກໍລະກົດ ຫລັງຈາກທີ່ລັດຖະບານຊິມບັບເວ ພາຍໃຕ້ການນຳຂອງປະທານາທິບໍດີ ໂຣເບີດ ມູກາບີ ເລີ່ມປະສົບກັບສະພາວະຝືດເຄືອງດ້ານງົບປະມານ ເຮັດໃຫ້ປະສົບກັບຄວາມຫລົ້ມເຫລວ ໃນການຈ່າຍເງິນເດືອນໃຫ້ແກ່ພະນັກງານ ພາຍໃນຂົງເຂດດັ່ງກ່າວ ເນື່ອງຈາກສະພາວະເສດຖະກິດຂອງປະເທດ ໄດ້ເຂົ້າສູ່ວິກິດການຢ່າງຮຸນແຮງ.
ພ້ອມດຽວກັນນັ້ນ ສະມາພັນຄູແຫ່ງຊິມບັບເວ ກໍໄດ້ອອກປະກາດໃຫ້ສະມາຊິກຕົນ ຢຸດງານປະທ້ວງແບບບໍ່ມີກຳໜົດ ຈົນກວ່າຈະໄດ້ຮັບເງິນເດືອນ ຈາກລັດຖະບານຢ່າງຄົບຖ້ວນ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!