ຂປລ. ທ້າຍອາທິດຜ່ານມາ, ທ່ານ ສົມກົດ ມັງໜໍ່ເມກ ເຈົ້າແຂວງໆຊຽງຂວາງ ພ້ອມດ້ວຍຄະນະ ລົງກວດກາ ແລະ ມອບ-ຮັບ ໂຄງການກໍ່ສ້າງເສັ້ນທາງໄລຍະ 38 ກິໂລແມັດ ແຕ່ບ້ານໂພສີ ຫາບ້ານແກ່ວແສດ ເມືອງຄູນ ແຂວງຊຽງຂວາງ ພາຍຫລັງລົງມືກໍ່ສ້າງ ແລະ ຈັດຕັ້ງປະຕິບັດມາແຕ່ປີ 2012 ລວມມູນຄ່າທັງໝົດ 78 ຕື້ກ່ວາກີບ.
ທ່ານ ບຸນທັນ ປັນຍາທິລາດ ປະທານບໍລິສັດ ປັນຍາທິລາດ ຜູ້ຮັບເໝົາໂຄງການ ໄດ້ໃຫ້ຮູ້ວ່າ: ໂຄງການດັ່ງກ່າວ ໄດ້ເລີ່ມລົງມືກໍ່ສ້າງ ແລະ ຈັດຕັ້ງປະຕິບັດ ມາແຕ່ປີ 2012-2016 ໂດຍເບ່ງອອກເປັນ 2 ໄລຍະ ຄື: ໄລຍະທີ 1 ມີຄວາມຍາວ 24 ກິໂລແມັດ, ມູນຄ່າ 38 ຕື້ກ່ວາກີບ, ໄລຍະທີ 2 ມີຄວາມຍາວ 14 ກິໂລແມັດ ມູນຄ່າ 40 ຕື້ກ່ວາກີບ ໂດຍແມ່ນບໍລິສັດ ຜູ້ຮັບເໝົາລົງທຶນກ່ອນ 100% ແລະ ລັດຖະບານ ຈະຊຳລະໃຫ້ຕາມສັນຍາ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!