ຕອນ​ເຊົ້າວັນ​ທີ 10 ມິຖຸນາ​ນີ້, ຕຳຫລວດ ຈີນ-ລາວ ​ໄດ້​ຈັດ​ພິທີ​ລົງ​ນາມ​ເພື່ອ​ມອບ​ຜູ້​ຕ້ອງຫາ​ໃນ​ຄະດີ​ຄ້າຂາຍ​ຢາ​ເສບ​ຕິດ​ລາຍ​ໃຫຍ່​ລະຫວ່າງ​ຊາດ​ແມ່ນ້ຳຂອງ “19 ມີນາ” ຢູ່​ສະໜາມ​ບິນ​ສາກົນ​ວັດ​ໄຕ ນະຄອນຫລວງ​ວຽງ​ຈັນ. ຜູ້​ຕ້ອງ​ຫາ 5 ຄົນ​ທັງ​ໝົດ​ຈະ​ຖືກ​ມອບ​ໃຫ້​ຕຳຫລວດ​ຈີນ ​ໂດຍ​ຜູ້​ຕ້ອງ​ຫາ 3 ຄົນ​ກຸ່ມ​ທຳ​ອິດ​ໃນ​ຄະດີ​ນີ້ ​ໄດ້​ຖືກ​ສົ່ງ​ຕົວ​ໄປຈີນ​ໃນ​ມື້ດຽວ​ກັນ. ອີກ 2 ຄົນ​ຖືກ​ນຳ​ສົ່ງ​ຕົວ​ໃຫ້​ຈີນ​ໃນ​ວັນ​ທີ 11 ມິຖຸນາ​ນີ້.

ວັນ​ທີ 19 ມີນາ 2013, ຈີນ-ລາວ ​ໄດ້​ມ້າງ​ຄະດີ​ການ​ຄ້າ ຂາຍ​ຢາ​ເສບ​ຕິດ​ລະຫວ່າງ​ຊາດ​ລາຍ​ໃຫຍ່​ຢູ່​ເຂດ​ແມ່ນ້ຳຂອງ ​ໄດ້​ຢຶດ ຢາ​ເສບ​ຕິດ 579,7 ກິ​ໂລ ກຣາມ ​ແລະ ຈັບ​ຕົວ​ຜູ້​ຕ້ອງ​ຫາ​ໄດ້ 5 ຄົນ. ການ​ມ້າງ​ຄະດີ​ນີ້ບໍ່​ພຽງ​ແຕ່​ເປັນ​ການ​ທັບ​ມ້າງ​ຄະດີ​ການ​ຄ້າຂາຍ​ຢາ​ເສບ​ຕິດ​ລະ ຫວ່າງ​ຊາດ​ລາຍ​ໃຫຍ່​ຄະດີ​ທຳ​ອິດນັບ​ແຕ່​ ຈີນ-ລາວ ​ເລີ່​ມດຳ​ເນີນ​ການ​ເຄື່ອນ​ໄຫວ​ປາບ​ປາມ​ຢາ​ເສບ​ຕິດ

​ຮ່ວມ​ຢູ່ເຂດ​ແມ່ນ້ຳ ຂອງ​ເທົ່າ​ນັ້ນ ຍັງ​ແມ່ນ​ຜົນສຳ​ເລັດ​ອັນ​ໃຫຍ່​ຫລວງ​ທີ່​ໄດ້​ຮັບ ໂດຍ​ນຳ​ໃຊ້​ກົນ​ໄກ​ຮ່ວມ​ມື​ປະຕິ ບັດ​ກົດໝາຍ​ດ້ວຍ​ຄວາມ​ປອດ​ໄພ​ຢູ່​ເຂດ​ແມ່ນ້ຳຂອງ ພາຍຫລັງ​ໄດ້​ມ້າງ​ຄະດີ “5 ຕຸລາ” ຢ່າງ​ສຳ​ເລັດ​ຜົນ ​ເຊິ່ງສາມາດ​ປາບ​ປາມ​ອາ​ຊະ​ຍາ​ກຳ​ກ່ຽວ​ກັບ​ຢາ​ເສບ​ຕິດ​ລະ ຫວ່າງ​ຊາດ​ຢູ່​ເຂດ “3 ຫລ່ຽມ​ຄຳ” ​ແມ່ນ້ຳຂອງ​ໃຫ້​ຫລຸດຜ່ອນ​ລົງ.