ຂປລ. ທ້າຍເດືອນມິຖຸນາຜ່ານມາ, ພະນັກງານຂະແໜງຊັບສິນທາງປັນຍາ ມາດຕະຖານ ແລະ ວັດແທກ ກໍຄືພະ ແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ ຮ່ວມກັບ ພະນັກງານຫ້ອງການວິທະຍາສາດ ແລະ ເຕັກໂນໂລຊີ ເມືອງໜອງບົກ ໄດ້ລົງກວດສອບຫົວປ້ຳຈຳໜ່າຍນ້ຳມັນເຊື້ອໄຟ ທີ່ເມືອງໜອງບົກ ຈຳນວນ 3 ປ້ຳ ຄື: ປໍ້າສີສະໝຸດ ຕັ້ງຢູ່ບ້ານໂພນ, ປໍ້າອານຸສອນ ຢູ່ບ້ານນາມັນປາ ແລະ ປໍ້າວາດສະໜາ ຢູ່ບ້ານດອນຂຽວເໜືອ ລວມທັງໝົດ ມີ 7 ຕູ້ 14 ຫົວຈ່າຍ.
ທັງນີ້ ກໍເພື່ອລົງກວດສອບຄວາມຖືກຕ້ອງ, ຊັດເຈນ, ການບໍ່ເອົາປຽບກັນ ລະຫວ່າງຜູ້ດຳເນີນທຸລະກິດ ແລະ ຜູ້ຊົມໃຊ້ ເພື່ອເຮັດໃຫ້ສັງຄົມມີຄວາມຍຸຕິທຳ. ໂດຍໄດ້ມີການກວດສອບໄດ້ ຕາມເກນມາດຕະຖານທີ່ກຳນົດໄວ້ແລ້ວ, ໄດ້ໜີບກົ່ວ, ຕິດສະຕິກເກີ້ ແລະ ເຮັດບົດບັນທຶກການກວດສອບ ຮ່ວມກັບເຈົ້າຂອງປ້ຳ ເພື່ອເປັນການຢັ້ງຢືນວ່າ ທາງປ້ຳໄດ້ຜ່ານການກວດສອບ ແລະ ໄດ້ບໍລິມາດ ຕາມມາດຕະຖານທີ່ກຳນົດໄວ້ແລ້ວ.
ແຫລ່ງຂ່າວ:
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!