Huawei ກຳລັງມີແຜນທີ່ຈະເປີດໂຕສະມາດໂຟນເຮືອທຸງລຸ້ນໃໝ່ Honor 8 ໃນວັນທີ 11 ກໍລະກົດນີ້ ແລະຈະບໍ່ມີພຽງລຸ້ນດຽວທີ່ຈະເປີດໂຕເພາະມີຂໍ້ມູນໃໝ່ຜ່ານທາງເວັບໄຊ TENAA ວ່າມີເຄື່ອງລະຫັດ EDI-DL00 ຖືກຮັບຮອງແລ້ວ. ເຊິ່ງເລກລະຫັດດັ່ງກ່າວຈະເປັນລຸ້ນ Max ຂອງ Honor 8, ແຕ່ວ່າຕອນນີ້ຍັງບໍ່ມີການຢືນຢັນຢ່າງເປັນທາງການເທື່ອ ເຮົາມາເບິ່ງສະເປັກນຳກັນກ່ອນວ່າເປັນແນວໃດ
Honor 8 Max ແມ່ນມາພ້ອມກັບໜ້າຈໍຂະໜາດ 6.6 ນິ້ວ ພ້ອມກັບຄວາມລະອຽດ 2K, ໃຊ້ງານຊິບປະມວນຜົນອ໋ອກຕ້າຄໍ Kirin 950 ຄວາມແຮງຢູ່ທີ່ 2.3GHz, RAM 3GB, ROM 32GB, ໃຊ້ງານລະບົບ Android 6.0 Marshmallow ແລະແບັດເຕີຣີທີ່ໃຫ້ມາຫຼາຍເຖິງ 4400mAh ພ້ອມຮອງຮັບລະບົບສາກໄວນຳ.
ແຕ່ສິ່ງທີ່ໜ້າເສຍດາຍຂອງ Honor 8 Max ຄືຈະບໍ່ມາພ້ອມກັບກ້ອງຫຼັງເລນຄູ່ແບບ Honor 8 ທຳມະດາ, ເຊິ່ງຕິດຕັ້ງກ້ອງຫຼັງມາ 13 ລ້ານພິກເຊວ ແລະກ້ອງໜ້າ 8 ລ້ານພິກເຊວ. ສ່ວນຂະໜາດຂອງໂຕເຄື່ອງຢູ່ທີີ 178.8 x 90.9 x 7.18 ມມ ແລະໜັກປະມານ 219 ກຣາມ (ຄົງຈະໜັກເຕີບ 55+). ທາງດ້ານຫຼັງຂອງໂຕເຄື່ອງແມ່ນຈະຕິດຕັ້ງເຊັນເຊີສະແກນນິ້ວມືມາພ້ອມ ແຕ່ວ່າຂະໜາດໂຕເຄື່ອງຊ່ຳນີ້ຖ້າຫາກເປັນຄົນມືບໍ່ໃຫຍ່ ແລະນິ້ວບໍ່ຍາວແທ້ອາດຈະມີບັນຫາການປົດລ໋ອກເຄື່ອງກໍເປັນໄດ້.
ສຳລັບລາຍລະອຽດອື່ນໆນອກຈາກນີ້ຄົງຕ້ອງຖ້າທາງຫົວເຫວີ່ຍອອກມາຢືນຢັນກ່ອນ.
ທີ່ມາ:gizmochina,ເດັກລາວ