ເຈົ້າໜ້າທີ່ທ້ອງຖິ່ນຈີນລາຍງານວ່າ ຝົນຕົກໜັກຈາກດິນຖະຫຼົ່ມທາງພາກຕາເວັນຕົກສຽງໃຕ້ຂອງຈີນວານນີ້ ເຮັດໃຫ້ມີຜູ້ເສຍຊີວິດຢ່າງໜ້ອຍ 6 ຄົນ ແລະ ສູນຫາຍ 17 ຄົນ.

ເວັບໄຊສຳນັກງານກິດຈະການພົນລະເຮືອນມົນທົນກຸ້ຍໂຈຖະແຫຼງວ່າ ເຫດດິນຖະຫຼົ່ມເກີດຂຶ້ນໃນເຊົ້າວານນີ້ ແລະ ຝັງທັງເປັນຊາວບ້ານ 30 ຄົນໃນໝູ່ບ້ານທີ່ມົນທົນກຸ້ຍໂຈ ໂດຍມີ 13 ຄົນທີ່ໄດ້ຮັບຄວາມຊ່ວຍເຫຼືອອອກຈາກກອງຊາກເປເພໃນບ່າຍວານນີ້ ຊຶ່ງມີ 6 ຄົນເສຍຫາຍຊີວິດແລ້ວ ໃນຂະນະທີ່ 7 ຄົນໄດ້ຮັບການຮັກສາຕົວໃນໂຮງໝໍ ໜ່ວຍກູ້ໄພຍັງຄົງອອກຕິດຕາມຄົ້ນຫາ ໂດຍມີໜ່ວຍບັນເທົາທຸກ ແລະ ກຳລັງທະຫານປະມານ 800 ຄົນ ໃນພື້ນທີ່ເກີດເຫດ ພາບຈາກຂ່າວອອນລາຍເຕັມໄປດ້ວຍຮູບຕົ້ນໄມ້ຫັກໂຄ່ນ ຊາກອາຄານ ກອງດິນຈີ່ ແລະ ປູນ ອຸທົກກະໄພເກີດຂຶ້ນຕາມປົກກະຕິໃນຊ່ວງລະດູຝົນທາງພາກໃຕ້ຂອງຈີນ ແຕ່ໃນປີນີ້ມີຝົນຕົກໜັກຫຼາຍກວ່າປົກກະຕິ ແລະ ຫຼາຍພື້ນທີ່ຜະເຊີນພາຍຸຝົນໃນອາທິດນີ້.