spot_img
Homeຂ່າວທ້ອງຖິ່ນຂ່າວເຜີຍ ເບື້ອງຫຼັງຊີວິດທ້າວພູດອຍ ທຸກຍາກລຳບາກ

ຂ່າວເຜີຍ ເບື້ອງຫຼັງຊີວິດທ້າວພູດອຍ ທຸກຍາກລຳບາກ

Published on

ຫຼັງຈາກທີ່ສື່ສັງຄົມອອນລາຍໄດ້ສະເໜີຮູບພາບທ້າວ ພູດອຍ ເປັນຜູ້ຊາຍທີ່ສຸງທີ່ສຸດຂອງປະເທດລາວ ໃນມື້ວານທີ່ຜ່ານມານັ້ນ ເຮັດໃຫ້ຜູ້ກ່ຽວເປັນທີ່ສົນໃຈຈາກສັງຄົມຢ່າງກວ້າງຂວາງ.

ດັ່ງນັ້ນ, ມື້ນີ້ ວັນທີ 1 ກໍລະກົດ 2016 ນັກຂ່າວຈາກສຳນັກຂ່າວຈຳປາໃໝ່ ເປັນໜັງສືພິມແຂວງຈຳປາສັກ ໄດ້ເດິນທາງໄປພົບຜູ້ກ່ຽວເຖິງໄຮ່ມັນຕົ້ນເລີຍ ເຊິ່ງກໍໄດ້ລາຍລະອຽດມາວ່າ ທ້າວ ພູດອຍ ໄຊຍະຈັກ ອາຍຸ 26 ປີ, ມີຄວາມສູງ 223 ຊັງຕີແມັດ ເປັນປະຊາຊົນບ້ານນ້ຳໃສເທິງ ເມືອງປະທຸມພອນ ແຂວງຈຳປາສັກ ຜູ້ກ່ຽວເປັນກຳລັງຫຼັກຂອງຄອບຄົວ ເຊິ່ງມີອາຊີບຊາວໄຮ່-ຊາວນາ ເຊິ່ງຕ້ອງອອກແຮງງານໜັກ ຢູ່ເປັນປະຈຳ.

ເຊິ່ງຈາກການສອບຖາມຂອງນັກຂ່າວແລ້ວ ຜູ້ກ່ຽວໄດ້ເປີດເຜີຍວ່າ ຕົນເອງໃຊ້ຊີວິດຢ່າງລຳບາກ ເນື່ອງຈາກເປັນໂລກສູງເກີນໄປ, ສຸຂະພາບບໍ່ແຂງແຮງ, ເປັນໂລກເບົາຫວານ ເຮັດວຽກໜັກກໍບໍ່ໄດ້. ນອກຈາກນີ້ແລ້ວ ເລື່ອງເຄື່ອງນຸ່ງຫົ່ມກໍຫຍຸ້ງຍາກຂາດເຂີນ ເນື່ອງຈາກເຄື່ອງນຸ່ງທີ່ຂາຍໃນຕະຫຼາດ ແມ່ນບໍ່ເໝາະກັບສະລີລະຂອງຕົນເອງ.

ໃນໂອກາດດັ່ງກ່າວ, ນັກຂ່າວຈຳປາໃໝ່ຈຶ່ງ ສະເໜີເຖິງບຸກຄົນ, ນິຕິບຸກຄົນ ຫຼືອົງການຈັດຕັ້ງໃດ ຫາກມີເງື່ອນໄຂໃຫ້ຄວາມຊ່ວຍເຫຼືືອຜູ້ກ່ຽວ ແມ່ນສາມາດປະສານງານຜ່ານ ນັກຂ່າວໄດ້ທີ່ໝາຍເລກໂທລະສັບ 020 9524 2233, 030 9739 189
ທ້າວ ພູດອຍ (2) ທ້າວ ພູດອຍ 5

ລາຍງານໂດຍ: ທູນທອງໃຈ ພົມມະສຸຂະ ນັກຂ່າວຈຳປາໃໝ່

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...