ຫຼ້າສຸດນີ້ວາລະສານ Shonen Jump ສະບັບທີ 31 ໄດ້ລົງປະກາດວ່າກາຕູນເລື່ອງ Gintama ທີ່ເປັນຜົນງານຂອງອາຈານ Sorachi Hideaki ກຳລັງຈະຖືກສ້າງເປັນຮູບເງົາ Live-Action ຄົນສະແດງແທ້ແລ້ວ!!
ໂດຍລາຍລະອຽດເບື້ອງຕົ້ນແມ່ນມີການປະກາດກ່ຽວກັບຜູ້ທີ່ຈະມາຮັບສະແດງເປັນ Sakata Gintoki ພະເອກສຸດກວນຂອງເລື່ອງ ນັ້ນກໍຄື Oguri Shun ນັກສະແດງໜຸ່ມຫຼໍ່ຜູ້ທີ່ເຄີຍຝາກຜົນງານໃນຮູບເງົາ Live-Action ມາແລ້ວເຊັ່ນ Lupin III ແລະ Terraformars. ໃນສ່ວນຂອງຜູ້ກຳກັບແມ່ນຈະໄດ້ Fukuda Yuuichi ຜູ້ກຳກັບຮູບເງົາແອັກຊັ່ນຕະຫຼົກສຸດເສື່ອມຄື Hentai Kamen (ເທບພະບຸດຫຼຸດໂລກ) ມາກຳກັບ, ເຊິ່ງບອກໄດ້ຄຳດຽວເລີຍວ່າຄວາມຕະຫຼົກແລະຄວາມມັນມາເຕັມແນ່ນອນ (ຄວາມເສື່ອມຄືກັນ?). ສຳລັບຮູບເງົາ Gintama Live-Action ມີກຳນົດເຂົ້າສາຍໃນປີ 2017.
Gintama ສະບັບມັງງະແມ່ນຖືກຕີພິມໂດຍວາລະສານລາຍອາທິດຊື່ດັງອັນດັບໜຶ່ງຂອງຍີ່ປຸ່ນຄື Shonen Jump ວ່າດ້ວຍເລື່ອງລາວຂອງບຸລຸດຜູ້ໜຶ່ງນາມວ່າ Sakata Gintoki ທີ່ເຮັດອາຊີບຮັບຈ້າງອິດສະຫຼະພ້ອມດ້ວຍ Shimura Shinpachi ແລະ Kagura ເພື່ອຫາເງິນມາລ້ຽງຊີບໃນຍຸກທີ່ຊາມູໄຣຕົກຕ່ຳ ເນື່ອງຈາກການຮຸກຮານຂອງມະນຸດຕ່າງດາວຫຼືທີ່ເອີ້ນກັນວ່າ “ຊາວສະຫວັນ” ເນື້ອເລື່ອງແມ່ນເປັນການປະສົມປະສານລະຫວ່າງແນວຍ້ອນຍຸກແລະວິທະຍາສາດ ລັກສະນະຂອງເລື່ອງຈະເປັນແນວຕະຫຼົກໆສ່ວນໃຫຍ່ ແລະປະສົມເຂົ້າກັບສາກແອັກຊັ່ນສຸດມັນ.
ທີ່ມາ:online station,ເດັກລາວ