ໃນວັນທີ 28 ມິຖຸນາ 2016 ເຈົ້າໜ້າທີ່ອາວຸໂສ ເສດຖະກິດ ອາຊຽນ ຫາລືກ່ຽວກັບຄວາມຄືບໜ້າຂອງ 8 ແຜນວຽກບູລິມາສິດຂອງ ສປປລາວ ໃນໄລຍະເປັນປະທານອາຊຽນ 2016, ການສ້າງແຜນວຽກຂອງແຕ່ລະຂະແໜງການ ເພື່ອຈັດຕັ້ງປະຕິບັດ AEC 2025, ປຶກສາຫາລື ແລະ ລາຍງານຄວາມຄືບໜ້າໃນການເຈລະຈາ ຂອງແຕ່ລະຂະແໜງການຕ່າງໆພາຍໃຕ້ເສົາຄ້ຳເສດຖະ ກິດ ເພື່ອໃຫ້ສາມາດຮັບຮອງໃນກອງປະຊຸມລັດຖະມົນຕີເສດຖະກິດອາຊຽນຄັ້ງທີ 48 ທີ່ຈະມາເຖິງໃນເດືອນສິງຫານີ້.

ສະເພາະ 8 ແຜນບູລິມະສິດທີ່ຈະນຳໄປສະເໜີນັ້ນມີຄື:

1; ຜັນຂະຫຍາຍວິໄສທັດປະຊາຄົມອາຊຽນ 2025.

2; ຮັດແຄບຄວາມແຕກໂຕນກັນທາງດ້ານການພັດທະນາ.

3; ການອໍານວຍຄວາມສະດວກດ້ານການຄ້າ.

4; ການພັດທະນາວິສາຫະກິດຂະໜາດນ້ອຍ-ກາງ.

5; ການພັດທະນາການທ່ອງທ່ຽວ.

6; ການເຊື່ອມຈອດ.

7; ການສົ່ງເສີມວຽກເຮັດງານທໍາການຫັນໄປສູ່ເສດຖະກິດໃນລະບົບຂອງອາຊຽນ

8; ສົ່ງເສີມການຮ່ວມມືພາກພື້ນເພື່ອການອະນຸລັກ, ປົກປ້ອງ ແລະ ສົ່ງເສີມມໍລະດົກທາງດ້ານວັດທະນະທໍາອາຊຽນ ເປັນຕົ້ນ.

ທີ່ມາ: ເສດຖະກິດ-ການຄ້າ