Tokyo Ghoul ແມ່ນກາຕູນມັງງະທີ່ມີຊື່ສຽງທົ່ວໂລກອີກເລື່ອງໜຶ່ງ ເຊິ່ງເປັນຜົນງານຂອງ Sui Ishida ແລະຕອນນີ້ກໍໄດ້ປະກາດເປີດໂຕນັກສະແດງ Live-Action ຫຼືແບບຄົນສະແດງແທ້ອອກມາແລ້ວ.
ສຳລັບເວີຊັ່ນຄົນສະແດງນີ້ຈະໄດ້ Masataka Kubota ທີ່ເຄີຍສະແດງໃນເລື່ອງ Death Note ແລະ Mars ມາຮັບບົດເປັນ Ken Kaneki ພະເອກຂອງເລື່ອງ ແລະໄດ້ດາລາສາວຫຼາຍບົດບາດແບບ Fumika Shimizu ທີ່ມີຜົນງານໃນເລື່ອງ My Neighbor Seki , HK/Hentai Kamen , Kamen Rider Fourze ແລະ Mare ມາຮັບບົດ Touka Kirishima ໃນສ່ວນຂອງຜູ້ກຳກັບແມ່ນຈະໄດ້ Kentaro Hagiwara ມາຮັບໜ້າທີ່ນີ້.
ສຳລັບເນື້ອເລື່ອງຂອງ Tokyo Ghoul ແມ່ນເວົ້າເຖິງ Ken Kaneki ນັກສຶກສາມະຫາວິທະຍາໄລທຳມະດາຄົນໜຶ່ງທີ່ມັກອ່ານໜັງສືເປັນຊີວິດຈິດໃຈ ໄດ້ພົບກັບສາວງາມ Kamishiro Rize ໃນຮ້ານກາເຟທີ່ລາວໄປເປັນປະຈຳ ດ້ວຍຄວາມທີ່ທັງສອງຄົນມັກອ່ານໜັງສືຄືກັນຈຶ່ງເຮັດໃຫ້ຄວາມສຳພັນຂອງທັງສອງພັດທະນາໄປຢ່າງໄວ ຈົນມາຮອດຄືນໜຶ່ງຈາກການອອກເດດຄັ້ງທຳອິດ ຊີວິດ Ken Kaneki ກໍຕ້ອງປ່ຽນໄປເມື່ອພົບວ່າ Kamishiro Rize ຜູ້ຍິງທີ່ຕົນເອງແອບມັກແທ້ຈິງແລ້ວເປັນສິ່ງທີ່ມີຊີວິດທີ່ເອີ້ນວ່າ “Ghoul ທີ່ກິນມະນຸດເປັນອາຫານ”.
ທີ່ມາ:online station,ເດັກລາວ