Perfect World ຜູ້ພັດທະນາເກມຊື່ດັງຈາກປະເທດຈີນກຽມເປີດໃຫ້ບໍລິການ Dynasty Warriors Mobile ເກມສາມກົກຊື່ດັງເວີຊັ່ນມືຖືທີ່ໄດ້ Licensed ມາຈາກທາງ Koei Tecmo ໂດຍຈະເປີດບໍລິການໃນປະເທດຈີນ ແລະປະເທດແຖບຕາເວັນຕົກໃນໄວໆນີ້
ສຳລັບເກມ Dynasty Warriors Mobile ແມ່ນໄດ້ຖືກນຳໄປຈັດສະແດງໃນງານ E3 2016 ທີ່ຜ່ານມານີ້, ເຊິ່ງເນື້ອເລື່ອງຂອງເກມຈະອີງມາຈາກເກມພາກຫຼັກຄື Dynasty Warrior 6 ໂດຍໂຕເກມຈະແຕກຕ່າງຈາກເວີຊັ່ນເກົ່າໆພໍສົມຄວນ ເພາະຢູ່ພາຍໃຕ້ການເບິ່ງແຍງຂອງຜູ້ພັດທະນາຈີນ ແລະຈະມີຮູບແບບເປັນເກມ Action ທີ່ນຳເອົາໂຕລະຄອນຈາກເກມມາຕໍ່ສູ້ກັນ ໂດຍມີການພັດທະນາໃຫ້ສາມາດເຂົ້າເຖິງໂຕລະຄອນໄດ້ງ່າຍຂຶ້ນ. ນອກນີ້ກໍໄດ້ຮັບຄຳຢືນຢັນແລ້ວວ່າເກມສາມກົກເວີຊັ່ນມືຖືນີ້ຈະລົງໃຫ້ທັງ iOS ແລະ Android.
ທີ່ມາ:online station,ເດັກລາວ