ເລື່ອງຄວາມເຊື່ອທີ່ວ່າການໃສ່ຜ້າອະນາໄມແຜ່ນເກົ່າເປັນເວລາດົນໆ ໂດຍບໍ່ປ່ຽນແຜ່ນໃໝ່ແລ້ວຈະເຮັດໃຫ້ເປັນໂຣກມະເຮັງປາກມົດລູກນັ້ນ ຂໍບອກເລີຍວ່າເປັນຄວາມເຊື່ອທີ່ຜິດ ເຊິ່ງແພດຄົນໜຶ່ງຊື່ ທິດາການ ຣຸຈິພັດທະນາກຸນໄດ້ອອກມາຕອບຄຳຖາມນີ້ໃນທະວິດເຕີ້ຣ@thidakarn ໄວ້ວ່າ ການໃສ່ຜ້າອະນາໄມດົນເກີນໄປຈະເຮັດໃຫ້ເກີດເຊື້ອແບັດທີເຣຍເພີ່ມຫຼາຍຂຶ້ນ ແລະ ເຮັດໃຫ້ເກີດການຕິດເຊື້ອໄດ້ ແຕ່ບໍ່ໄດ້ກໍ່ໃຫ້ເກີດໂຣກມະເຮັງປາກມົດລູກ
ໂຣກມະເຮັງປາກມົດລູກມີສາເຫດເກີດຈາກເຊື້ອໄວຣັສ HPV ເຊິ່ງເປັນເຊື້ອໄວຣັສທີ່ຕິດຕໍ່ກັນທາງເພດສຳພັນເທົ່ານັ້ນ ແລະ ສາມາດຕິດຕໍ່ກັນໄດ້ທັງຜູ້ຊາຍ ແລະ ຜູ້ຍິງ ຈິ່ງບໍ່ກ່ຽວກັບການໃສ່ຜ້າອະນາໄມດົນເກີນໄປ
ໃນຊ່ວງເປັນປະຈຳເດືອນ ຈຸດລັບຂອງແມ່ຍິງຈະມີຄວາມອັບຊື້ນຫຼາຍເປັນພິເສດ ແລະ ກໍ່ໃຫ້ເກີດການສະສົມຂອງເຊື້ອແບັດທີເຣຍ ດັ່ງນັ້ນໃນຊ່ວງເປັນປະຈຳເດືອນຄວນປ່ຽນຜ້າອະນາໄມຢ່າງໜ້ອຍທຸກ 6 ຊົ່ວໂມງ ຫຼື ຖ້າເປັນປະຈຳເດືອນມາແຮງມາຫຼາຍກໍ່ຄວນປ່ຽນຜ້າອະນາໄມໃຫ້ຖີ່ຂຶ້ນ ເພື່ອບໍ່ໃຫ້ເກີດການສະສົມຂອງເຊື້ອແບັດທີເຣຍຫຼາຍຈົນເກີນໄປ
ທີ່ມາ: http://health.kapook.com/view145414.html