ຫຼ້າສຸດນີ້ບໍລິສັດ Xiaomi ໄດ້ປະກາດໂຕ Electric Bicycle ລົດຖີບໄຟຟ້າອັດສະລິຍະ ທີ່ສາມາດພັບເກັບໄວ້ໄດ້. ເຊິ່ງຕອນທີ່ພັບເກັບໄວ້ນັ້ນນ້ຳໜັກຂອງລົດຖີບກໍຈະຫຼຸດລົງເຄິ່ງໜຶ່ງຈາກຂະໜາດດັ້ງເດີມຂອງມັນ ນອກນີ້ໂຕລົດເອງກໍມີຂະໜາດທີ່ນ້ອຍ ອີກທັງຍັງມາພ້ອມກັບມໍເຕີ້ທີ່ມີປະສິດທິພາບສູງ ທີ່ສາມາດຊ່ວຍໃຫ້ການຂັບຂີ່ຂຶ້ນເນີນເຂົາໄດ້ງ່າຍອີກນຳ.
ສຳລັບລົດຖີບໄຟຟ້າຈາກ Xiaomi ເຄື່ອງນີ້ແມ່ນມາພ້ອມຫຼາຍສີໃຫ້ເລືອກຕາມສະຕາຍທີ່ເຮົາຕ້ອງການ, ການອອກແບບໂດຍລວມແລ້ວງາມດີ, ການພັບເກັບໄວ້ເອງກໍຖືວ່າງ່າຍ ແລະເປັນມິດກັບຜູ້ໃຊ້.
ໂດຍໂຕເຄື່ອງຍັງມາພ້ອມກັບເທັກໂນໂລຢີປ່ຽນແປງຄວາມໄວ ເພື່ອໃຫ້ແນ່ໃຈວ່າການສົ່ງອອກພະລັງງານເປັນໄປໄດ້ດີ. ທຸກຄັ້ງທີ່ຂີ່ລົດຖີບ ກໍຈະມີລະບົບອັດສະລິຍະທີ່ສາມາດຄຳນວນວ່າເຮົາຈະໃຊ້ລົດດົນປານໃດ ແລ້ວກຳນົດພະລັງງານທີ່ເຮົາຕ້ອງໃຊ້ ເພື່ອໃຫ້ສາມາດໃຊ້ມໍເຕີໄຟຟ້າໄດ້ດີ. (ສ່ວນນີ້ບໍ່ແນ່ໃຈຖ້າຜິດຂໍອະໄພຫຼາຍໆ)
ນອກນີ້ກໍຍັງມາພ້ອມກັບມໍເຕີ 250W/36V ທີ່ມີຄວາມໄວສູງ ເຊິ່ງເຮັດໃຫ້ໝັ້ນໃຈໄດ້ເລີຍວ່າສາມາດຂີ່ໃນທາງທີ່ມີເນີນຊັນ ຫຼືບຸກປ່າໄດ້ດີແນ່ນອນ. ອີກທັງຍັງໃສ່ແບັດເຕີຣີຈາກ Panasonic ຂະໜາດ 18,650mAh ມາໃຫ້ນຳ ເຊິ່ງເຮັດໃຫ້ສາມາດຂີ່ໄດ້ໃນໄລຍະ 45Km ໃນການສາກພຽງຄັ້ງດຽວ (ສຳລັບໂໝດ Economy mode ຄວາມໄວທີ່ 20Km/h).
ສຳລັບລົດຖີບ Xiaomi Electric Bicycle ຍັງມາພ້ອມກັບລະບົບຄອມພິວເຕີທີ່ໄວ້ບອກລະດັບຄວາມໄວ, ລະດັບພະລັງງານ ແລະໄລຍະທາງແບບ real time ອີກນຳ. ນອກນີ້ກໍມາພ້ອມກັບລະບົບເກຍແບບ 3-Shift ຂອງ Shimano ເພື່ອໃຫ້ການຂີ່ມີຄວາມສະດວກຂຶ້ນ.
ສ່ວນລາຄາຂອງ Xiaomi Electric Bicycle ແມ່ນມີລາຄາຢູ່ທີ່ 2,999 ຢວນ (3.690.000 ກີບ) ແລະຈະເລີ່ມຈຳໜ່າຍໃນຊ່ວງທ້າຍເດືອນນີ້.
ທີ່ມາ:gizmochina,ເດັກລາວ