ເງິນປອນອັງກິດເມື່ອທຽບໂດລາສະຫະລັດແຂງຄ່າຂຶ້ນສູ່ລະດັບສູງສຸດຂອງປີ 2016 ໃນມື້ນີ້ອັງກິດຈັດການລົງປະຊາມະຕິວ່າຈະຢູ່ ຫຼື ອອກຈາກການເປັນສະມາຊິກສະຫະພາບເອີຣົບ (ອີຢູ).

ນັກວິເຄາະກ່າວວ່າ ບັນດານັກລົງທຶນຄາດເດົາວ່າ ມີສິດທິເລືອກຕັ້ງໃນອັງກິດຈະປ່ອນບັດສະແດງຄວາມເຫັນໃຫ້ອັງກິດເປັນສະມາຊິກໃນອີຢູ ຊຶ່ງມີສະມາຊິກ 28ປະເທດຕໍ່ໄປ ເຖິງວ່າຜົນສຳຫຼວດຄວາມຄິດເຫັນລະບຸວ່າ ຄະແນນທີ່ຕ້ອງການໃຫ້ອັງກິດຢູ່ ແລະ ໃຫ້ອອກຈາກອີຢູສູສີກັນຫຼາຍ ນັກວິເຄາະດ້ານການຕະຫຼາດບໍລິສັດໄອຈີທີ່ມີສຳນັກງານໃນອົດສະຕຣາລີ ກ່າວວ່າ ຕະຫຼາດໝັ້ນໃຈວ່າອັງກິດຈະລົງມະຕິຢູ່ຕໍ່ໃນອີຢູ ແລະ ຄິດເປັນຜົນກະທົບທີ່ມີຕໍ່ຕະຫຼາດຈະໜ້ອຍກວ່າທີ່ຫຼາຍຝ່າຍຄາດກັນໄວ້ ຢ່າງໃດກໍຕາມ ຍັງຄອງມີທ່າອຽງຄວາມກັງວົນ ແລະ ຄວາມຜັນຜວນສູງໃນຕະຫຼາດຊ່ວງ 24 ຊົ່ວໂມງນີ້ ການຊື້ຂາຍຊ່ວງທ່ຽງໃນຕະຫຼາດໂຕກຽວ ຄ່າເງິນປອນເທົ່າກັບ 1.484 ໂດລາສະຫະລັດ ຊຶ່ງເປັນລະດັບສູງສຸດເມື່ອທຽບໂດລາສະຫະລັດໃນປີນີ້.