ເຈົ້າໜ້າທີ່ສາທາລະນະສຸກບຣາຊິລເຜີຍວ່າ ໄຂຫວັດໃຫຍ່ສາຍພັນໃໝ່ອັນຕະລາຍເອຊ 1 ເອັນ ​1 ເຮັດໃຫ້ຜູ້ເສຍຊີວິດກວ່າ 1.000 ຄົນນັບຕັ້ງແຕ່ຕົ້ນປີນີ້ ຂະນະທີ່ບຣາຊິລຍັງຜະເຊີນບັນຫາເສດຖະກິດການເມືອງ ແລະ ໄວຣັສຊິກາລະບາດ.

ບຣາຊິລຈະເປັນເຈົ້າພາບຈັດການແຂ່ງຂັນກີລາໂອລິມປິກໃນອີກ 2 ເດືອນນີ້ ແຕ່ເຈົ້າໜ້າທີ່ສາທາລະນະສຸກມີລາຍງານຜູ້ເສຍຊີວິດ 1.003 ຄົນຈາກໄຂ້ຫວັດໃຫຍ່ສາຍພັນເອຊ 1 ເອັນ 1 ຊຶ່ງເປັນສາຍພັນທີ່ເຮັດໃຫ້ມີຜູ້ເສຍຊີວິດຕັ້ງແຕ່ປີ 2010 ຈຳນວນ 2.060 ຄົນ ເຈົ້າໜ້າທີ່ລັດຖະບານກວ່າວ່າ ມີລາຍງານຜູ້ຕິດເຊື້ອໄວຣັສໄຂ້ຫວັດໃຫຍ່ເອຊ 1 ເອັນ 1 ຈຳນວນ 5.214 ຄົນຊ່ວງລະຫວ່າງວັນທີ 3 ມັງກອນ -​11 ມິຖຸນາປີນີ້ ຊຶ່ງມີລາຍງານຜູ້ຕິດເຊື້ອລະຫວ່າງເດືອນພຶດສະພາ-ມິຖຸນາ ແລະ ເປັນຊ່ວງທີ່ສະພາບອາກາດເລີ່ມເຢັນລົງ ໂດຍມີລາຍງານໃນເກືອບ 27 ລັດທີ່ມີການແຜ່ລະບາດ ແຕ່ສ່ວນໃຫຍ່ພົບໝ້າແໜ້ນໃນພື້ນທີ່ພາກໃຕ້ ຊຶ່ງມີລາຍງານຜູ້ຕິດເຊື້ອ 2.606 ຄົນ ແລະ ເສຍຊີວິດ 540 ຄົນ.