spot_img
Homeຂ່າວພາຍ​ໃນກອງກວດກາພາສີນະຄອນຫລວງ ຢຶດສິນຄ້າໜີພາສີໄດ້ຫລາຍລາຍການ

ກອງກວດກາພາສີນະຄອນຫລວງ ຢຶດສິນຄ້າໜີພາສີໄດ້ຫລາຍລາຍການ

Published on

ຕາມການລາຍງານຂອງທ່ານ ສົມພິນ ອິນທະວົງ ຫົວໜ້າກອງກວດກາພາສີ ປະຈຳນະຄອນຫລວງວຽງຈັນໃຫ້ຮູ້ໃນວັນທີ 20 ມິຖຸນານີ້ວ່າ: ເຈົ້າໜ້າທີ່ກອງກວດກາພາສີ ນະຄອນຫລວງໄດ້ເອົາໃຈໃສ່ເຄື່ອນໄຫວປະຕິບັດໜ້າທີ່ວຽກງານວິຊາສະເພາະຂອງ ຕົນເປັນຢ່າງດີ ໂດຍສາມາດສະກັດກັ້ນການລັກລອບໜີພາສີລຽບຊາຍແດນ ແລະ ການເຄື່ອນຍ້າຍສິນຄ້າພາຍໃນຂອບເຂດຄວາມຮັບຜິດຊອບຕາມລະບຽບການຄື: ໃນລະຫວ່າງວັນທີ 17-18 ມິຖຸນານີ້,ໄດ້ກັກສິນຄ້າປະເພດ ເຄື່ອງໃຊ້ໄຟຟ້່າໄດ້ຈຳນວນຫນຶ່ງມີ ຕູ້ເຢັນ 7,8 ຄິວ ຍີ່ຫໍ້ ໄຮເອີ ແລະ ຊຳຊຸງ ລວມ ຈຳນວນ 20 ໜ່ວຍ, ຈັກຊັກຜ້າ LG 13 ກິໂລກຣາມ ຈຳນວນ 30ໜ່ວຍ, ໂທລະ ພາບ ຍີ່ຫໍ້ ໄຮເອີ 50 ນີ້ວ ແລະ ໂທລະພາບ ຍີ່ຫໍ້ ຊໍາຊຸງ 24 ນີ້ວ, ລວມ 2ໜ່ວຍ, ເກີບໂບກ 44 ແກັດ ແລະ ກັກພາຫະນະ ຈຳນວນ 5 ຄັນ ລວມມີ ລົດກະບະ 4 ປະຕູ

MITSUBISHI, ລົດກະບະ4ປະຕູ MAZDA, ລົດກະບະ4ປະຕູ TOYOTA 2 ຄັນ ແລະ ລົດຈິບ 5 ປະຕູ TOYOTA, ເຊິ່ງລົດຈໍານວນດັ່ງກ່າວນີ້ ພາຍຫລັງກວດກາຕົວຈິງເຫັນວ່າໃຊ້ປ້າຍ ແລະ ທະບຽນປອມ, ຊຶ່ງບໍ່ມີຢູ່ໃນກົງໂຕນ.

ທ່ານ ສົມພິນ ອິນທະວົງ ໃຫ້ຮູ້ອີກວ່າ: ເມື່ອບໍ່ດົນມານີ້, ເຈົ້າໜ້າທີ່ກອງກວດກາ ພາສີ ນະ ຄອນຫລວງ ກໍ່ໄດ້ກັກຢຶດສິນຄ້າ ປະເພດຢາປົວພະຍາດ ຈຳນວນ 19 ລາຍ ການທີ່ບໍ່ມີເອກະສານເສຍພາສີນຳເຂົ້າ ແລະ ເອກະສານຈາກພາກສ່ວນກ່ຽວຂ້ອງ, ຊຶ່ງ ຢາຈໍານວນດັ່ງກ່າວທາງກົມອາຫານ ແລະ ຢາ ກະຊວງສາທາລະນະສຸກໄດ້ຢັ້ງຢືນວ່າ: ບໍ່ໄດ້ອະນຸຍາດໃຫ້ໃຊ້ເນື່ອງຈາກມີຄວາມສ່ຽງທາງດ້ານຄວາມປອດໄພຕໍ່ຜູ້ໃຊ້ຢາທີ່ບໍ່ທັນຂື້ນທະບຽນໃນ ສປປ ລາວ ຈຶ່ງສະເໜີໃຫ້ມີການທຳລາຍຖິ້ມ.

ທີ່ມາ: ລາວພັດທະນາ

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...