spot_img
Homeຂ່າວພາຍ​ໃນກວດພົບຊິງຊັ່ງບໍ່ໄດ້ມາດຕະຖານຈໍານວນໜຶ່ງຢູ່ຕະຫຼາດໃຫຍ່ຫລາຍແຫ່ງ

ກວດພົບຊິງຊັ່ງບໍ່ໄດ້ມາດຕະຖານຈໍານວນໜຶ່ງຢູ່ຕະຫຼາດໃຫຍ່ຫລາຍແຫ່ງ

Published on

ເຈົ້າໜ້າທີ່ຫ້ອງການວິທະຍາສາດ ແລະ ເຕັກໂນໂລຊີ, ເມືອງຈັນທະບູລີ,ນະຄອນຫລວງວຽງຈັນ, ໄດ້ຢຶດຊິ່ງຊັ່ງສີນຄ້າຂອງຜູ້ຄ້າຂາຍເປັນຈໍານວນຫລາຍໜ່ວຍ, ຫລັງຈາກພົບວ່າຊິງເຫລົ່າ ນັ້ນບໍ່ໄດ້ຕາມມາດຕະຖານວັດແທກທີ່ພາກສ່ວນກ່ຽວຂ້ອງກໍານົດ, ຊຶ່ງຖືເປັນການເອົາປຽບຜູ້ບໍລິໂພກ.

ຮອງຫົວໜ້າຫ້ອງການວິທະຍາສາດ ແລະ ເຕັກໂນໂລຊີ ເມືອງດັ່ງກ່າວໃຫ້ຮູ້ວ່າ: ພາຍຫລັງພະນັກ ງານຕົນສົມທົບກັບພະນັກງານຈັດສັນຕະຫລາດຕະຫຼາດທົ່ງຂັນຄຳ,ໂພນຕ້ອງຈອມມະນີ,ຫ້ວຍຫົງ ແລະ ໂພນຕ້ອງສະຫວ່າງ ລົງກວດກາຊິງຊັ່ງຂອງບັນດາຊາວຄ້າຂາຍໃນຕະຫລາດດັ່ງກ່າວເລີ່ມແຕ່ວັນທີ 9 – 21 ມິຖຸນານີ້, ສາມາດພົບເຫັນຊິງຊັ່ງສີນຄ້າຂອງຊາວຄ້າຂາຍບໍ່

ໄດ້ມາດຕະຖານຫລາຍກວ່າ 10 ໜ່ວຍ, ຈຶ່ງໄດ້ຢຶດເອົາໄປທໍາລາຍຖິ້ມ, ພ້ອມທັງສຶກສາອົບຮົບເຮັດບົດບັນທຶກຕໍ່ຜູ້ກະທໍາຜິດບໍ່ໃຫ້ສວຍໂອກາດນໍາໃຊ້ຊິງທີ່ບໍ່ໄດ້ມາດຕະຖານຄືດັ່ງກ່າວອີກ,ຊຶ່ງເປັນການລະເມີດລະບຽບກົດໝາຍບ້ານເມືອງ, ໂດຍສະເພາະແມ່ນກົດໝາຍວັດແທກ ແລະ ກົດໝາຍອາຍາມາດຕາ 150 ວ່າດ້ວຍການດັດແປງດັດປັບສິ່ງຂອງເພື່ອບໍ່ໃຫ້ໄດ້ມາດຕະຖານ.

ການລົງກວດກາຊິງຊັ່ງຂອງຊາວຄ້າຂາຍໃນທ້ອງຕະຫລາດໃຫຍ່ເທື່ອນີ້, ພາຍຫລັງເຫັນວ່າປັດຈຸບັນລາຄາສີນຄ້າບາງປະເພດມີການເໜັງຕິງສູງຂຶ້ນເປັນຕົ້ນແມ່ນປະເພດຊີ້ນ, ປາ ແລະ ການສ່ອງແສງຂອງສັງຄົມທີ່ສະເໜີວ່າມີຊາວຄ້າຂາຍເອົາປຽບຜູ້ບໍລິໂພກດ້ວຍການໂລບຕາຊິງຢ່າງແຜ່.

 

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...