ເຈົ້າໜ້າທີ່ຍີ່ປຸ່ນກ່າວມື້ນີ້ວ່າ ມີຜູ້ເສຍຊີວິດຢ່າງໜ້ອຍ 3 ຄົນ ແລະ ສູນຫາຍ 2 ຄົນຫຼັງຈາກເຫດດິນຖະຫຼົ່ມ ແລະ ນໍ້າຖ້ວມທາງພາກໃຕ້ຂອງຍີ່ປຸ່ນ ຊຶ່ງຫາກໍປະສົບໄພແຜ່ນດິນໄຫວຄັ້ງໃຫຍ່.
ໜ່ວຍກູ້ໄພກຳລັງຕິດຕາມຄົ້ນຫາຜູ້ສູນຫາຍ 3 ຄົນໃນແຂວງຄຸມາໂມໂຕະ ຊຶ່ງມີຜູ້ອາໄສເກືອບ 2.000 ຄົນ ອົບພະຍົບອອກຈາກເຮືອນ ຊຶ່ງລວມເຖິງຜູ້ທີ່ອົບພະຍົມໄປຢູ່ໃນບ່ອນປອດໄພພາຍຫຼັງແຜ່ນດິນໄຫວຄັ້ງໃຫຍ່ 2 ຄັ້ງ ເມື່ອເດືອນເມສາ ຂະໜາດ 6,2 ແລະ ຂະໜາດ 7 ຕາມມາດ້ວຍອາຟເຕີຊ໊ອກ 1.700 ຄັ້ງ ມີຜູ້ເສຍຊີວິດ 49 ຄົນ ແລະ ຜະເຊີນຄວາມເສຍຫາຍເປັນບໍລິເວນກວ້າງ ເຫດພາຍຸຝົນຕົກໜັກໃນຍີ່ປຸ່ນເຮັດໃຫ້ເກີດດິນຖະຫຼົ່ມ ແລະ ນໍ້າຖ້ວມເມື່ອຄືນທີ່ຜ່ານມາ ຊາວບ້ານລາຍງານວ່າ ນໍ້າໃນແມ່ນໍ້າລົ້ນຕາຝັ່ງເຮັດໃຫ້ນໍ້າເຂົ້າຖ້ວມທ້ອງຖະໜົນ ແລະ ເຮືອນເຖິງລະດັບຫົວເຂົ່າ ຂະນະທີ່ຊາວບ້ານບາງສ່ວນລາຍງານວ່າ ໄດ້ຍິນສຽງດັງຫຼາຍຄັ້ງໃນພື້ນທີ່ທີ່ໄດ້ຮັບຜົນກະທົບຈາກເຫດດິນຖະຫຼົ່ມຊ່ວງກາງຄືນ ສະຖານີອຸຕຸນິຍົມວິທະຍາຍີ່ປຸ່ນ ຄາດວ່າຈະມີຝົນຕົກໜັກລົງມາອີກໃນບໍ່ເທົ່າໃດມື້ນີ້ ພ້ອມກັບປະກາດເຕືອນໄພຝົນຕົກໜັກ ແລະ ພາຍຸຝົນຟ້າຄະນອງໃນແຂວງຄຸມາໂມໂຕະ ແລະ ພື້ນທີ່ໂດຍລວມເທິງເກາະຄິວຊູ.