ກັບມາອີກແລ້ວ ວັນນີ້ເຮົາຈະພາມາເບິ່ງ 3 ສາວປະເພດສອງທີ່ມີຮູບຮ່າງໜ້າຕາງາມທີ່ສຸດໃນປະເທດລາວໃນຕອນນີ້ ເຊິ່ງຊ່ອງ 10 ອັນດັບປະເທດໄທ ເປັນຜູ້ຈັດອັນດັບນີ້ຂຶ້ນ ຂໍບອກເລີຍວ່າແຕ່ລະນາງ ຮູບຮ່າງໜ້າຕາກິນກັນບໍ່ລົງເລີຍ
ອັນດັບທີ 3 ສາວ ວັນໃໝ່ ທຳມະວົງ
ສາວຄົນນີ້ຈະມີໜ້າຕາໜ້າຮັກໃສໆສົມໄວ ເປັນນ້ອງໃໝ່ທີ່ກຳລັງມາແຮງໃນວົງການສາວປະເພດສອງບ້ານເຮົາ ດ້ວຍບຸກຄະລິກທີ່ໂດດເດັ່ນອອກແນວເປັນຕາແພງ ຈິ່ງເຮັດໃຫ້ໜຸ່ມໆຫຼາຍຄົນຕ້ອງຫຼຽວເບິ່ງຕາມເມື່ອເວລາທີ່ນາງຍ່າງຜ່ານ ຖ້າບໍ່ບອກວ່າເປັນສາວປະເພດສອງ ຄືຈະບໍ່ມີໃຜຮູ້ເລີຍແນ່ນອນ ຄົນອີ່ຫຍັງຈະໜ້າຮັກຂະໜາດນີ້
ອັນດັບທີ 2 ສາວແກ້ມບຸ໋ມ
ສາວຄົນນີ້ບອກເລີຍບໍ່ທຳມະດາ ເພາະນາງມີກະແສຮືຮາຫຼາຍຢ່າງ ດ້ວຍຄວາມງາມຂອງນາງ ຫາກເບິ່ງຜ່ານໆ ກໍ່ບໍ່ຮູ້ວ່ານາງເປັນສາວປະເພດສອງເດັດຂາດ ຖ້າບໍ່ມີຄົນບອກ ເພາະນາງອອກແນວໃສໆ ແຕ່ແອບແຝງຄວາມເຊັກຊີເອົາໄວ້ ແລະ ຕອນນີ້ທີ່ເຟສບຸກຂອງນາງມີຄົນຕິດຕາມເຖິງ 77,254 ຄົນ
ອັນດັບທີ 1 ຫລິງຫລິງ ປິຍະດາ ອິນທະວົງ
ຕຳແໜ່ງສາວປະເພດສອງທີ່ງາມທີ່ສຸດໃນປະເທດລາວຄົງຈະຕົກເປັນຂອງໃຜໄປບໍ່ໄດ້ນອກຈາກສາວຄົນນີ້ ຫລິງຫລິງ ປິຍະດາ ອິນທະວົງ ເພາະນາງມີຄວາມງາມ, ຄວາມເລີດ ເຖິງ 360 ອົງສາ ແບບວ່າຮ້ອນແຮງສຸດໆໃນຕອນນີ້ ຈົນເຮັດໃຫ້ສາວແທ້ຫຼາຍໆຄົນຕ້ອງຍອມຖອຍໃຫ້ແກ່ຄວາມງາມຂອງນາງເລີຍກໍ່ວ່າໄດ້ ນອກຈາກນາງຈະຕິດອັນດັບ 1 ໃນລາວແລ້ວ ນາງຍັງຕິດ ອັນດັບທີ 3 ສາວປະເພດສອງທີ່ງາມທີ່ສຸດໃນອາຊີນຳອີກ ນາງມີຜົນງານທີ່ໂດດເດັ່ນ ແລະ ສ້າງຊື່ສຽງໃຫ້ກັບປະເທດລາວ ໃນການເຂົ້າປະກວດ ເວທີ ມິສ ອິນເຕີເນເຊັ່ນແນລຄລິນ 2014 ແລະ ໄດ້ຄ້ວາເອົາຮອງອັນດັບສອງມາ ເຊິ່ງໄດ້ສ້າງຄວາມພາກພູມໃຈໃຫ້ແກ່ຄົນລາວເປັນຢ່າງຍິ່ງ ແລະ ຕອນນີ້ນາງຍັງມີຜົນງານດ້ານການສະແດງ ໃນຊີຣີສົງຄາມນາງງາມ ຊີຊັ່ນ 2 ທາງຊອງONE ອີກດ້ວຍ
ທີ່ມາ: http://www.hungamahub.net/video/F0WJll3GwkA/3-10-.html