ພາຍຫລັງມີກະແສຂ່າວມີຄົນຈັ່ງໄຮຂີ່ລົດຈັກເລາະຖີບລົດຈັກປະຊາຊົນລົ້ມຕາມຈຸດຕ່າງໆໃນເຂດນະຄອນຫລວງວຽງຈັນ ຫລ້າສຸດ ເວລາ 22:00 ໂມງຂອງວັນທີ 20 ມິຖຸນາ 2016 ນີ້ ເຈົ້າໜ້າທີ່ຕໍາຫລວດເມືອງຈັນທະບູລີເປີດເຜີຍວ່າສາມາຈັບຜູ້ກ່ຽວໄດ້ແລ້ວ ຂະນະທີ່ ໂຈນລາຍນີ້ພວມໃຊ້ຕີນຢັນລົດຈັກປະຊາຊົນລົ້ມຢູ່ເຂດຕະຫລາດຫ້ວຍຫົງ ແຕ່ໂຊກດີທີ່ມີພົນລະເມືອງດີຊ່ວຍກັນນຳ ແລະ ຈັບມັດໄວ້.

ປະຈຸບັນຜູ້ກ່ຽວຖືກກັກຂັງຢູ່ ປກສ ເມືອງຈັນທະບູລີ ເພື່ອລໍຖ້າການສືບສວນສອບສວນ ແລະ ຂະຫຍາຍຜົນ, ຖ້າພໍ່ແມ່ປະຊາຊົນທີ່ຖືກຢັນລົດໃນໄລຍະຜ່ານມາແລ້ວນຳຈັບບໍ່ໄດ້ ກະລຸນາເຂົ້າໄປພົວພັນເບິ່ງຕົວວ່າຄົນຮ້າຍດັ່ງກ່າວຄ້າຍຄືກັບຜູ້ທີ່ຢັນລົດທ່ານ ຫຼື ບໍ່.