ເມື່ອເວົ້າເຖິງວົງການເກມ ແລະໜັງແລ້ວ ຖືວ່າຢຸູ່ຄວບຄູ່ກັບເຮົາມາດົນ, ໂດຍສະເພາະແມ່ນວົງການເກມເຮົາກໍຈະເຫັນເລື້ອຍໆວ່າເກມໃດທີ່ດັງໆມັກຈະຖືກນຳມາສ້າງເປັນໜັງໃຫ້ເຮົາໄດ້ຮັບຊົມກັນ ແຕ່ວ່າມັກຈະບໍ່ປະສົບຜົນສຳເລັດ ເພາະດ້ວຍເຫດຜົນຫຼາຍໆຢ່າງທີ່ເຮັດໃຫ້ຄົນຫຼິ້ນເກມນັ້ນຕ້ອງເບະປາກໃຫ້ເລີຍ ແລະໃນມື້ນີ້ເຮົາກໍມີອັນດັບໜັງທີ່ເຮັດມາຈາກເກມທີ່ໄດ້ຮັບການຍອມຮັບຫຼາຍ ໂດຍອີງຕາມຄະແນນຂອງຜູ້ໃຊ້ເທິງເວັບ IMDB ນັ້ນເອງ.
ອັນດັບ 10 : Resident Evil: Apocalypse (2004) ຄະແນນ : 6.2
ພາກຕໍ່ຂອງຮູບເງົາຟອຣ໌ມຍັກ Resident Evil ຫຼັງຈາກທີ່ໄດ້ຮັບຄຳຊົມແລະສຽງຕອບຮັບມາຈາກພາກທຳອິດເຮັດໃຫ້ Resident Evil : Apocalypse ຫຼື Resident Evil 2 ຍັງຄົງສາມາດເດີນເລື່ອງໄດ້ໜ້າຕິດຕາມເຊັ່ນເຄີຍ.
ອັນດັບ 9 : Hitman (2007) ຄະແນນ : 6.3
ຮູບເງົາທີ່ສ້າງຈາກເກມ PC ຊື່ດັງນາມວ່າ Hitman ເຊິ່ງເປັນການນຳສະເໜີເລື່ອງລາວຂອງ ເອເຈນ 47 ແລະພາຍໃນເລື່ອງກໍມີສາກບູ້ແບບສະໃຈຜູ້ເບິ່ງກັນເລີຍ.
ອັນດັບ 8 : Resident Evil: Extinction (2007) ຄະແນນ : 6.3
ຮູບເງົາພາກທີ່ 3 ຂອງ Resident Evil ຖືວ່າຍັງມີຍອດຂາຍທີ່ດີເຖິງວ່າບົດເລື່ອງຈະໄປຄົນລະເລື່ອງກັບເກມກໍຕາມ ແຕ່ກໍຖືວ່າເຮັດໄດ້ໂອເຄເລີຍ.
ອັນດັບ 7 : The Angry Birds Movie (2016) ຄະແນນ : 6.4
ສຳລັບຮູບເງົາເລື່ອງທຳອິດຂອງເກມມືຖືສຸດຮິດ Angry Birds ເຊິ່ງຖືວ່າໄດ້ຮັບຄວາມນິຍົມກັນຫຼາຍພໍສົມຄວນ ດ້ວຍການສ້າງໂຕລະຄອນທີ່ໜ້າຮັກ ມີຊີວິດຊີວາ ເຖິງວ່າການດຳເນີນເລື່ອງຍັງເຮັດບໍ່ດີພໍກໍຕາມ.
ອັນດັບ 6 : Final Fantasy: The Spirits Within (2001) ຄະແນນ : 6.4
ອີກໜຶ່ງຮູບເງົາທີ່ຜູ້ຂຽນບອກເລີຍວ່າ WTF!! (ຂໍອະໄພໃນຄຳຫຍາບ). ເຊິ່ງເປັນໜັງເລື່ອງທຳອິດຂອງຄ້າຍ ຫຼ່ຽມ ທີ່ເປັນ CG ເຕັມຮູບແບບ, ເຊິ່ງເປັນເຫດໃຫ້ຜູ້ທີ່ຫຼິ້ນເກມຊີຣີນີ້ຕ້ອງໂບກມືລາກັນເລີຍ (ລວມຜູ້ຂຽນພ້ອມ 55+). ແຕ່ເຖິງຢ່າງໃດກໍຕາມໃນແງ່ຂອງຜູ້ຊົມທົ່ວໄປແລ້ວຖືວ່າມີສຽງຕອບຮັບທີ່ດີພໍສົມຄວນ.
ອັນດັບ 5 : Need for Speed (2014) ຄະແນນ : 6.5
ຮູບເງົາທີ່ເຮັດມາຈາກເກມແຂ່ງລົດຊື່ດັງທີ່ຫຼາຍໆຄົນຮູ້ຈັກກັນດີຄື Need for Speed ຖືວ່າເປັນເລື່ອງໜຶ່ງທີ່ໄດ້ຮັບຄຳຊົມຫຼາຍ ບໍ່ວ່າຈະເປັນການຈັດສາກ ສຽງເພງ ເຮັດອອກມາໄດ້ດີພໍສົມຄວນເລີຍ.
ອັນດັບ 4 : Silent Hill (2006) ຄະແນນ : 6.6
ຮູບເງົາເລື່ອງທຳອິດທີ່ເຮັດມາຈາກເກມສະຢອງຂວັນຄື Silent Hill ໃນດ້ານຂອງໜັງແມ່ນສາມາດນຳເອົາບັນຍາກາດຂອງເກມອອກມາໄດ້ຫຼາຍພໍສົມຄວນບໍ່ວ່າຈະເປັນ ຄວາມຫຼອນ , ຄວາມໂລກຈິດ ແລະໂຕລະຄອນເອງ ກໍລ້ວນແຕ່ເຮັດອອກມາໄດ້ດີຄືກັບຫຼິ້ນເກມກໍເວົ້າໄດ້.
ອັນດັບ 3 : Prince of Persia: The Sands of Time (2010) ຄະແນນ : 6.6
ຮູບເງົາທີ່ເຮັດຈາກເກມທີ່ມີການເວົ້າເຖິງໜ້ອຍທີ່ສຸດສຳລັບເລື່ອງ ເຈົ້າຊາຍທະເລຊາຍ ຫຼື Prince of Persia ສຳລັບເລື່ອງນີ້ຖືເປັນອີກເລື່ອງໜຶ່ງທີ່ສາມາດສ້າງບົດເລື່ອງໃຫ້ເປັນຕາຕິດຕາມ ແລະມັດໃຈຄົນເບິ່ງໄດ້ດີເລີຍ.
ອັນດັບ 2 : Resident Evil (2002) ຄະແນນ : 6.7
Resident Evil ເຊິ່ງເປັນພາກທຳອິດຂອງຈຸດເຊື່ອມໂຍງເລື່ອງລາວທັງໝົດຂອງຊີຣີ ທີ່ສ້າງຄວາມຕື່ນເຕັ້ນໃນເວລານັ້ນພໍສົມຄວນ ບໍ່ວ່າຈະເປັນອາລົມ ບັນຍາກາດຂອງເລື່ອງ ລວມເຖິງພວກຜີຊອມບີ້ເອງ ແມ່ນຖືກຖ່າຍທອດອອກມາເປັນຕາຕິດຕາມ ຈົນຖືກຂະໜານນາມວ່າເປັນ “ພາກທີ່ດີທີ່ສຸດຂອງຊີຣີ” .
ອັນດັບ 1 : Warcraft : The Beginning (2016) ຄະແນນ : 7.7
ຄົງບໍ່ຕ້ອງມີຄຳອະທິບາຍກັນເລີຍສຳລັບຮູບເງົາຟອຣ໌ມຍັກແບບ Warcraft ທີ່ສາມາດສ້າງຖານແຟນໆຂອງເລື່ອງໄດ້ຢ່າງຫຼວງຫຼາຍ ບໍ່ວ່າຈະເປັນຜູ້ຊົມທົ່ວໄປ ຈົນເຖິງຄໍເກມຊີຣີນີ້ເລີຍ ເພາະງານພາບດ້ານ CG ແລະບັນຍາສິ່ງແວດລ້ອມຕ່າງໆຖືວ່າເຮັດອອກມາໄດ້ດີທີ່ສຸດສຳລັບໜັງທີ່ສ້າງມາຈາກເກມໃນຕອນນີ້ເລີຍ.
ທີ່ມາ:online station, Deklao